Қала көшелерінде бүлінген тротуарларды қайта қалпына келтіру және жаңадан тротуарлар төсеу жұмыстары жүріп жатыр. Жұмыстар барысымен қала әкімі Азамат Бекет танысты. Мердігер мекеме басшылығы жұмыстарды алдағы шілде айының соңына дейін аяқтауды көздейтінін айтты.

“Біз қазір жауын-шашын кезінде су жиналатын жаяу жүргіншілер жолдарын биіктетіп, жаңа тротуарлар төсеп жатырмыз. Осыған дейін бүлініп, шашылған жерлерде тротуарларды қайта қалпына келтіруге де кірістік. Жалпы қала бойынша қазір біздің бригадалар 10 мың шаршы метрде жұмыс істеп жатыр. Бір жыл кепілдік мерзімінен кейін де біз бүлінген тротуарлар болса, қайта төсеп, қалтына келтіріп отыруға кепілдік береміз. Жаяу адамдарға арналған жолдарға автокөлікпен мініп, тротуар плиткаларын сындырып кететін жағдайлар жиі кездеседі. Автокөлік жүргізушілерін тротуарларға ұқыппен қарауға шақырамын. Бұл - тұрғындарға арналған қала мүлкі”, - деді «BB GROUP» ЖШС директоры Бақытжан Наурызбаев.

Ақпарат көзі: ГУ «Аппарат акима города Актобе»