Абай облысында жастар арасында қазақстандық патриотизмді қалыптастыру, Қазақстан халқының мәдениеті мен дәстүрлеріне құрметпен қарау, конфессияаралық келісімді нығайту және діни радикализмнің алдын алу мақсатында тұрақты түрде ақпараттық-түсіндіру жұмыстары жүргізілуде.

Бұл іс-шаралар Абай облысының орта, техникалық және кәсіптік, сондай-ақ жоғары оқу орындарында ұйымдастырылады. Жұмыстың басты мақсаты – зайырлы мемлекеттік қағидаттарды түсіндіру, конфессияаралық бейбітшілікті және қоғамдағы толеранттылықты нығайту.

Кездесулер барысында жастар заңдылық пен құқықтық тәртіп қағидаттары туралы білім алады, көпконфессиялы қоғамда тұрақтылық пен бейбітшілікті сақтаудың маңыздылығын түсінеді. Сонымен қатар, ақпараттық-түсіндіру жұмыстары дін мәселелеріне жауапкершілікпен қарауға, діни экстремизм қаупі туралы хабардарлықты арттыруға және азаматтық сананы нығайтуға ықпал етеді.

Абай облысының Дін мәселелерін зерттеу орталығының мамандары жүргізетін бұл жұмыс жастарды ағартудың тұрақты жүйесін құруға, қоғамдық келісімді нығайтуға және дұрыс рухани-адамгершілік құндылықтарды қалыптастыруға бағытталған. Бұл шараларды жүзеге асыру – қоғамның үйлесімді дамуын қамтамасыз етудің және Қазақстан Республикасында тұрақтылықты сақтаудың маңызды қадамы болып табылады.

Материал Абай облысы бойынша ТҚК аппаратының ақпараты негізінде дайындалды

Ақпарат көзі: Қазақстан Республикасының Терроризмге қарсы орталығы