Бұрын Tech Garden деген атпен белгілі болған ACF PIT ҚР Цифрлық даму, инновациялар және аэроғарыш өнеркәсібі министрлігінің қолдауымен еліміздегі ірі өнеркәсіптік кәсіпорындарымен белсенді ынтымақтаса отырып, Қазақстандағы инновациялық жобалардың жетекші инкубаторы ретіндегі позициясын нығайтуды жалғастыруда. Осы стратегияның аясында ACF PIT командасы мен IT хабының 15 IT резиденттері Қазақмыс Нұрқазған кенішіне өздерінің озық ғылыми, цифрлық және техникалық шешімдерін ұсыну үшін келді.

Экскурсия барысында қатысушылар Қазақмыстың бизнес-міндеттерімен танысып, өндірістік процестерді жақсартуға бағытталған инновациялық ұсыныстарын ортаға салды. Сапардың нәтижесі өндіріс тиімділігін арттыруға, қауіпсіздік шараларына, қоршаған ортаны бақылау мен өнім сапасын жақсартуға бағытталған ІТ жобалар пулын қалыптастыру болды.

ACF PIT негізгі міндеті – Қазақмыс сияқты индустриялық алпауыттардың өзекті мәселелерін шешу үшін қазақстандық ІТ-нарық пен технологиялық әзірлемелерді біріктіру.

«Нұрқазған кенішіне экскурсия саланың нақты қажеттіліктерін тереңірек түсінуге және оларды іске асыру үшін біздің резиденттеріміздің әзірлемелерін жедел ұсынуға тамаша мүмкіндік берді. Бұл биылғы үшінші өндірістік экскурсиясы, жалпы алғанда оныншы. Әдетте өндірістік экскурсиялары карьерде өтеді, бірақ бүгін біз шахтаға алғаш рет түстік, бұл өндірістік процестерді жаңа қырынан көруге оңтайлы болды», - деді ACF PIT бас директорының бірінші орынбасары Әділ Жұмабаев.

Қазақмыс AG Tech және MRS-K қазақстандық компаниялары бірлесіп әзірлеген DMMS IT кешенін ендірген болатын. DMМS жүйесі жерасты радиобайланысын, персонал мен көліктің орналасқан жерін анықтауға және апаттық ескерту жасауға мүмкіндік береді. Қос тараптың бірлескен жұмысы озық IT-шешімдерді өнеркәсіпке интеграциялаудың маңыздылығын көрсетпекші. Аталған инновацияларды енгізу өнімділікті арттыруға, өнеркәсіптік қауіпсіздіктің жоғары деңгейін қамтамасыз ететін болады.

Ақпарат көзі: Министерство цифрового развития, инноваций и аэрокосмической промышленности Республики Казахстан