Қарағанды облысында Қазақстан халқы Ассамблеясының "Елтану" жобасы аясында ұйымдастырылған "Ұлы дала елі" тарихи-танымдық экспедициясы басталды. 

ҚХА мүшелері, мемлекеттік тілді меңгерген түрлі этностардың өкілдері өңірдің көрікті жерлерімен танысады. Олар осыған дейін Қарқаралы ауданында болып қайтты.

– Қарқаралы өлкесін өз көзіммен көріп, тарихымен таныстым. Мен өзім жалғыз ешқашан бармайтын жерлерге бардым. Барлық экспедиция қазақ тілінде өтті, мен баға жетпес лингвистикалық тәжірибе алдым, – деп бөлісті Polonia Қарағанды облыстық поляк қоғамының мүшесі Константин Павленко.

"Экспедиция Қоғамдық келісім мен ұлттық бірліктің қазақстандық моделін нығайту, отансүйгіштікке тәрбиелеу, Қазақстан тарихы мен мәдениетін, қазақ тілін үйренуге танымдық қызығушылықты дамыту мақсатында ұйымдастырылды. 

Экспедицияға қатысушылар Қарағанды облысының аумағында орналасқан тарихи-мәдени маңызы бар нысандарды аралайды. Сондай-ақ жергілікті тұрғындармен кездесулер өтеді. Қарқаралы ауданына алғашқы экспедиция аяқталды. Келесісі 20-21 қыркүйекке Шет және Ақтоғай аудандарына жоспарланған", – деді облыстық ҚХА-да.

– 2 күнде, 13-14 қыркүйекте біз көптеген тарихи орындарға бардық. Қарқаралы табиғаты мен сәулетінің сұлулығын көрдік. Құнанбай қажы мешітінде және ол тұрған үйде болдық. XVII ғасырдағы будда ғибадатханасының қалдықтары сақталған кент тауларына бардық. Мұндағы табиғатың сұлулығына көз тоймайжы. Қарқаралы қорығында болып, оның аумағында шағын сенбілік өткіздік. Жалпы, екі күн өте қызықты өтті, – дейді экспедицияғы қатысушы Надежда Кузнецова.

Экспедицияның бағдарламасы толық аяқталғаннан кейін көркем суреттелген альбом шығару жоспарлануда.

Ұйымдастырушы – Қарағанды облысы ішкі саясат басқармасының "Қоғамдық келісім" КММ.

Ақпарат көзі: ГУ «Аппарат акима Карагандинской области»