2024 жылғы 16 қыркүйекте «ҚазАвтоЖол» ҰК» АҚ Қарағанды облысында (Жұлдыз ауылынан «Қазақмыс» жол айрығына дейін) ұзындығы 26 шақырымды құрайтын республикалық маңызы бар Қызылорда – Павлодар – Успенка – РФ шекарасы автожолының 1052–1079 шақырым аралығындағы учаскесінде жол қозғалысын ашты.

Бұл республикалық маңызы бар автомобиль жолының жөндеу жұмыстары 967–1135 шақырым аралығын қамтиды. Ұзындығы 168 шақырымды құрайтын аталмыш учаске Қарағанды және Павлодар облыстарын байланыстырады.

2021 жылы 1079–1115 шақырым (36 шақырым) аралығында күрделі жөндеу жұмыстары жүргізілсе, ал 2023 жылы 1115–1135 шақырымда (20 шақырым) орташа жөндеу жұмыстары атқарылды.

2024 жылы Жұлдыз ауылынан «Қазақмыс» жол айрығына дейін 26 шақырым аралықта 1052–1079 шақырым учаскесінде болатын орташа жөндеу жұмыстары жүргізілді. Жөндеу жұмыстарына 29 бірлік техника мен 35 маман жұмылдырылды. Жолдың негізін қалыпқа келтіру үшін салқын ресайклинг әдісімен жаңа технологиялар қолданылып, төменгі және жоғары қабатта асфальтбетон жабыны төселді, сондай-ақ суөткізгіш құбырлар орнатылды. Жергілікті өндірісті қолдау мақсатында жөндеу жұмыстарына отандық құрылыс материалдары пайдаланылды.

967–993 және 999–1003 шақырым аралығындағы учаскелерде (Қарағанды қаласынан шығу жолы) орташа жөндеу жұмыстарын өткізу 2024–2025 ж. аралығында жоспарланған. Қазіргі таңда осы жөндеу жұмыстарын өткізу үшін мердігер мекемені анықтау мақсатында конкурстық шаралар ұйымдастырылып жатыр.

2024 жылғы орташа жөндеу жұмыстары шеңберінде 66 нысан бойынша 1547,2 шақырым жолды қолданысқа беру жоспарланған. Барлық жұмыстар бекітілген мерзімде орындалуда.

2024 жылғы 16 қыркүйектегі жағдай бойынша 700 шақырымға жуық жол жабыны төселді.

Ақпарат көзі: ГУ «Аппарат акима Карагандинской области»