Қарағандыда "Ордалы Қарағандым, шежірелі Қарқаралым" Республикалық командалық айтыстың бірінші кезеңі өтті. Біздің өңірдің өкілдері үздік болып, екінші турға өтті.

Айтысқа қатысушыларды Қарағанды облысының әкімі Ермағанбет Бөлекпаев құттықтады. 

Өңір басшысы айтыс ең алдымен халық шығармашылығын дәріптеу және қазақ халқының ауызша ән поэзиясының сүйікті түрі екенін атап өтті.

Әр командада сегіз адамнан: төрт айтыскер, термеші, күйші, жыршы және дәстүрлі әндерді орындаушы болды.

Қарағанды облысының атынан Айтбай Жұмағұлов, Тілеген Әділов, Мақсат Аханов, Дидар Қами, Нұрмұхаммед Байсүгір, Сержан Мұсаин, Дәуренбек Әркен, Балқан Смағұлов, Мұхтар Әділов және Мағжан Мыңбай қатысты.

Республикалық командалық айтыс Қарағандының 90 жылдығына арналған.

Ұйымдастырушылар мен қазылар алқасының мүшелері баспасөз мәслихатында жаңа жоба – командалық айтыс туралы айтып берді.

– Бұл мегажоба жыл басында басталды. Оған Қазақстанның 20 өңірінен 20 команда қатысады, ол төрт кезеңнен тұрады. Финал Ақтауда келесі жылдың наурыз айында өтеді. Жобаның ерекшелігі – ол бес жанр бойынша өтеді: айтыс, дәстүрлі ән айту, жыр, терме және күй. Сондай-ақ, бұл жобада қазылар алқасына да ерекше талаптар қойылатынын, яғни әрбір жанр бойынша оны бағалай алатын жеке өкілдер болатынын атап өтемін, – деп түсіндірді мегажобаның бастамашысы және ұйымдастырушысы Аманжол Әлтай.

Сондай-ақ, баспасөз конференциясында Қарағанды облысының Мәдени-ойын-сауық және халық шығармашылығының ғылыми-әдістемелік орталығы құрастырған "Арқа" кітабы таныстырылды. Онда өңір ақындарының өмірбаяны, жетістіктері мен үздік айтыстары жарияланды.

Ақпарат көзі: ГУ «Аппарат акима Карагандинской области»