Қарағанды облысының тілдерді дамыту басқармасы "Тіл қазына" әлеуметтік жобасы аясында "Үлгілі отбасы" байқауын өткізеді. Оған аймақ аумағында тұратын отбасылар қатыса алады.

Отбасы кем дегенде бес адамнан тұруы керек: атасы немесе әжесі, әкесі мен анасы және екі баласы.

Байқау екі кезеңнен тұрады – іріктеу және қорытынды.

Іріктеу 10 қазанға дейін жалғасады. Конкурсқа қатысатын командалар өтініммен бірге портфолиосын til-qazyna@mail.ru электрондық мекенжайға жіберуі қажет. Үміткерлер іріктеу кезінде жеке басын куәландыратын құжаттарды көрсетіп, ұзақтығы екі минуттан аспайтын бейнепрезентация дайындауы тиіс.

Іріктеуден өткендер 18 қазанда соңғы турға қатысады. Ол үш кезеңнен тұрады:

1. "Танысу". Отбасы қазақтың дәстүрлері мен ұлттық құндылықтарын насихаттай отырып, өзін таныстырады. Барлық отбасы мүшелерінің қатысуы құпталады. Әр команданың өз отбасын таныстыруға 2 минуты болады.

Қазылар алқасы бірден баға береді.

2. "Әке көрген оқ жонар, ана көрген тон пішер" бірнеше тапсырмадан тұрады: "Аталар байқауы", "Әжелер байқауы", "Әкелер байқауы", "Келіндер байқауы" және "Балалар байқауы". Қатысушылар қазақ дәстүрлері, қолөнері, әдет-ғұрыптары және т. б. туралы сұрақтарға жауап береді.

3. Марапаттау. Байқау жеңімпаздары мен жүлдегерлері арнайы дипломдармен және ақшалай сыйлықтармен марапатталады.

- Бас жүлде – 1 000 000 теңге;

- 1 орын – 700 000 теңге;

– 2-ші – 500 000 теңге;

– 3-ші – 300 000 теңге;

- көтермелеу сыйақысы – 100 000 теңге.

Байқау туралы толығырақ мына телефондар арқылы білуге болады: 8-701-953-09-37 (WhatsApp), 8-708-704-99-75.

Ақпарат көзі: ГУ «Аппарат акима Карагандинской области»