Қарағанды облысының қалалары мен аудандарының Мансап орталықтарында 1 қазаннан бастап 2025 жылға субсидияланатын жұмыс орындарына жұмыс берушілерден өтінімдер қабылдау басталады. Құжаттарды офлайн немесе онлайн Enbek.kz порталы арқылы беруге болады.

Жұмыс берушілерге "Жастар практикасы", "Қоғамдық жұмыстар", "Әлеуметтік жұмыс орындары", оның ішінде "Күміс жас" жобалары шеңберінде өз кәсіпорнында субсидияланатын жұмыс орнын құру қажет. Барлық меншік нысандарындағы ұйымдар қатысады.

Уақытша жұмыс орындарына жұмысқа орналасқандардың жалақысын мемлекет толық немесе ішінара қаржыландырады.

Өтінімдерді қабылдау 31 қазанға дейін жалғасады.

Тегін кеңесті келесі телефон нөмірлері арқылы ала аласыз: (8-7212) 60-50-50 (call center), +7-775-644-35-80 (WhatsApp).

@ctm_karaganda

Ақпарат көзі: ГУ «Аппарат акима Карагандинской области»