2024 жылдың жазғы кезеңінде жергілікті атқарушы органдардың, аумақтық ҚР Ұлттық қауіпсіздік комитеті, полиция, төтенше жағдайлар департаменттерінің және кәсіпкерлер палатасының қызметкерлерінен құрылған Шығыс Қазақстан облысы терроризмге қарсы комиссиясының жұмыс тобы ішкі сауда саласындағы қызметті жүзеге асыратын объектілерде терроризмге қарсы қорғалуды ұйымдастыруға қойылатын талаптардың сәйкестігіне көшпелі зерделеу жүргізді.

Объектілердің басшыларымен Қазақстан Республикасы Сауда және интеграция министрінің 2023 жылғы 5 қазандағы № 366-НҚ бұйрығымен бекітілген ҚР Сауда және интеграция министрлігінің террористік тұрғыдан осал объектілерін және террористік тұрғыдан осал ішкі сауда объектілерін терроризмге қарсы қорғауды ұйымдастыру жөніндегі нұсқаулықтың талаптары талқыланды.

Хабарлау және бейнебақылау жүйелері қаралды. Ішкі бұйрықтар, тақырыптар, сабақтардың мазмұны, терроризм профилактикасы бойынша ісшараларды есепке алу журналдары, терроризмге қарсы қорғалу паспорттары, күзет ұйымдарымен жасалған шарттар зерделенді. Қауіпсіздік жүйесіндегі анықталған олқылықтар бойынша тиісті ұсыныстар берілді.  

Ақпарат көзі: ГУ «Аппарат акима Восточно-Казахстанской области»