Қазақстанда денсаулық сақтаудың бастапқы буыны ұйымдарының базасында өмірдің алғашқы айларынан бастап даму қауіптері мен бұзылулары бар балаларды кешенді қолдауға бағытталған ерте араласу моделі енгізілуде. 

➖➖➖➖➖➖➖➖➖➖

Қазақстан Республикасының Президенті Қасым-Жомарт Тоқаевтың Ұлттық құрылтайдың IV сессиясында айтылған тапсырмаларына сәйкес білім беру және балалардың денсаулығын сақтау мемлекеттік саясаттың басымдықтарының бірі болып белгіленін айта кетейік.

➖➖➖➖➖➖➖➖➖➖

✅Астанада өткен республикалық кеңесте Ерте даму және араласу орталықтарында (ЕДАО) баланың дамуын бағалау жүргізілетіні атап өтілді, оның негізінде ерте араласу қажеттілігі айқындалатын және одан әрі жұмыс жоспары қалыптастырылатын болады.

Әрбір баламен жалпы практика дәрігерлерінен, педиатрлардан, психологтардан, әлеуметтік қызметкерлерден және басқа да мамандардан тұратын мультидисциплиналық команда айналысады.

«Бұл жай ғана жаңа бастама емес — бұл балаларға медициналық көмек көрсету тәсілін өзгертетін стратегиялық бағыт. Сонымен қатар, біз жүйені қосымша жұмыспен жүктемейміз, керісінше, оны өзгертеміз, ұйымдастырушылық процестерді, скринингтер мен патронаждық қызметті жақсартамыз. Мұның бәрі бір нәрсе үшін - әрбір баланың жас кезінен бастап өмір сүру сапасын арттыру үшін жасалады», - деп атап өтті Денсаулық сақтау министрі Ақмарал Әлназарова жиналысқа қатысушыларға арналған кіріспе сөзінде.

⚫️Бүгінде Қазақстанда 3 жасқа дейінгі 1,6 млн-ға жуық бала тұрады. Денсаулық сақтау министрлігінің дерегі бойынша, олардың 7,7%-ының денсаулық проблемалары бар, 3%-ы бақылауда. Халықаралық деректерге сәйкес (The Lancet) 4 жасқа дейінгі балалардың 8,4%-ында дамудың кешігуі бар. Осы жас санатындағы мүгедектігі бар балалардың үлесі әлемде 4,3%-ды құрайды.

Ақпарат көзі: Министерство здравоохранения Республики Казахстан