Акциялар нарығын капиталдандыру негізінен KASE индексінің өкілдік тізіміне кіретін «Kaspi.kz» АҚ (-14,8%) акциялары бағасының төмендеуі есебінен 2024 жылғы қыркүйекте 4,5%-ға немесе 1,5 трлн теңгеге төмендеп (2024 жылдың басынан бастап 17,8%-ға өсу), 2024 жылғы 1 қазанда 31,5 трлн теңгені құрады.

KASE индексі 2024 жылғы қыркүйекте 2,5%-ға 5 171,79 тармаққа дейін азайды (2024 жылдың басынан бастап 23,5%-ға өсті).

Акциялармен сауда-саттық көлемі негізінен «KEGOC» АҚ, «ҚазТрансОйл» АҚ және «Баян Сұлу» АҚ акцияларымен сауда-саттық көлемінің ұлғаюы есебінен бір айда 19,0%-ға немесе 1,7 млрд теңгеге ұлғайып, 2024 жылғы қыркүйекте 10,8 млрд теңгені құрады.

2024 жылғы 1 қазандағы жағдай бойынша «Қазақстан қор биржасы» АҚ (бұдан әрі – KASE) сауда тізімдерінде 85 қазақстандық эмитенттің 100 атауының акциялары болды, оның ішінде 2 эмитенттің 2 атауының акциялары «Листингтік емес бағалы қағаздар» секторында айналысқа жіберілді. 

«KASE Global» секторында 2024 жылғы 1 қазандағы жағдай бойынша 46 түрлі акция, 55 шетелдік эмитенттің 12 ETF болды. «KASE Global» секторындағы сауда-саттық көлемі негізінен Microsoft Corporation, Apple Inc. және Advanced Micro Devices, Inc. акцияларының сауда-саттық көлемінің төмендеуі есебінен бір айда 17,0%-ға немесе 0,5 млрд теңгеге азайып, 2024 жылғы қыркүйекте 2,4 млрд теңгені құрады.

KASE-де саудаланатын корпоративтік борыштың көлемі 2024 жылғы қыркүйекте негізінен корпоративтік облигациялардың бастапқы нарығындағы сауда-саттық көлемінің төмендеуі есебінен 14,2 трлн теңгеге дейін 0,1%-ға немесе 14,8 млрд теңгеге азайды (2024 жылдың басынан бастап 5,1%-ға өсу).

2024 жылғы қыркүйекте KASE-де корпоративтік облигациялармен сауда-саттық көлемі негізінен қайталама нарықтағы сауда-саттық көлемінің азаюы есебінен алдыңғы аймен салыстырғанда 50,9%-ға немесе 253,0 млрд теңгеге 243,9 млрд теңгеге дейін азайды. 2024 жылғы 1 қазандағы жағдай бойынша KASE сауда-саттық тізімдерінде 120 эмитенттің корпоративтік облигацияларының 476 шығарылымы болды.

2024 жылғы қыркүйекте корпоративтік облигациялардың бастапқы нарығының көлемі 2024 жылғы тамыздағы көрсеткішпен салыстырғанда 20,6%-ға немесе 49,2 млрд теңгеге төмендеп, 189,5 млрд теңгені құрады. 2024 жылғы қыркүйекте 12 эмитенттің корпоративтік облигацияларының 14 шығарылымы орналастырылды, купондық сыйақы мөлшерлемесі 8,0%-дан 35,0%-ға дейін өзгеріп отырды.

KASE-де саудаланатын мемлекеттік борыш 2024 жылғы қыркүйекте 0,8%-ға немесе 0,2 трлн теңгеге 27,3 трлн теңгеге дейін ұлғайды (2024 жылдың басынан бастап 14,3%-ға өсу).

KASE-де мемлекеттік бағалы қағаздармен сауда-саттықтың жиынтық көлемі бастапқы нарықтағы сауда-саттық көлемінің қысқаруы нәтижесінде бір айда 14,8%-ға немесе 440,6 млрд теңгеге азайып, 2024 жылғы қыркүйек айының қорытындысы бойынша 0,5 трлн теңгені құрады.

МБҚ бастапқы нарығындағы сауда-саттық көлемі 33,1%-ға немесе 127,2 млрд теңгеге 257,1 млрд теңгеге дейін төмендеді. Оның ішінде ҚР Қаржы министрлігі 7 облигациялар шығарылымын орналастырып, өтеуге табыстылығы 13,16-13,43%-ды құрайтын 203,1 млрд теңгені тартты, он бір облыстың және Алматы, Шымкент қалаларының әкімдіктері мемлекеттік бағдарламаларды іске асыру шеңберінде 54,0 млрд теңге тартты.

Ұжымдық инвестициялау нарығында 2024 жылғы 1 қазандағы жағдай бойынша 56 инвестициялық пай қоры, оның ішінде 25 аралық, 30 жабық және 1 ашық пай қоры жұмыс істеді.

Инвестициялық пайлар нарығындағы басқарудағы активтер негізінен инвестициялық қордың пайларын сатып алуды жүзеге асыру мақсатында жеке инвестициялық қордың бағалы қағаздарын сату есебінен 2024 жылғы қыркүйекте 0,1%-ға немесе 322 млн теңгеге азайып, 2024 жылғы 1 қазандағы жағдай бойынша 297,7 млрд теңгені құрады. 2024 жылғы 1 қазандағы жағдай бойынша 261,5  млрд теңгені немесе инвестициялық пай қорларының жиынтық активтерінің 87,9%-ын бағалы қағаздар портфелі құрады.

2024 жылғы 1 қазандағы жағдай бойынша бағалы қағаздар нарығының институционалдық құрылымына 40 брокер мен дилер (16 банк және 24 банктік емес ұйым), 11 кастодиан-банк, 21 инвестициялық портфельді басқарушы, 3 трансфер-агент, сондай-ақ 3 инфрақұрылымдық ұйым: KASE, KASE Клирингтік орталығы және бірыңғай тіркеуші мен сауда репозиторийінің функцияларын орындайтын Бағалы қағаздардың орталық депозитарийі кірді.

2024 жылғы қыркүйекте Орталық депозитарийдің номиналды ұстау жүйесіндегі шоттардың саны 2,2%-ға немесе 69,3 мыңға ұлғайып, 3 156,0 мың  шотқа жетті, оның ішінде:

- депоненттер клиенттерінің қосалқы шоттарының саны 684,2 мың қосалқы шотқа дейін 1,1 мыңға немесе 0,2%-ға ұлғайды (2024 жылдың басынан 12,2 мыңға немесе 1,7%-ға азаю);

- брокерлер ашқан және жинақталған омнибус-шоттар арқылы есепке алынатын дербес шоттардың саны 2 471,7 мың шотқа дейін 68,3 мыңға немесе 2,8%-ға өсті (2024 жылдың басынан 722,7 мыңға немесе 41,3%-ға өсу).

Бағалы қағаздар нарығына кәсіби қатысушылардың активтері негізінен жекелеген қатысушының басқа заңды тұлғалардың капиталына және реттелген борышқа инвестициялардың ұлғаюы есебінен 2024 жылғы қыркүйекте 0,7%-ға немесе 4,9 млрд теңгеге ұлғайып, 2024 жылғы 1 қазандағы жағдай бойынша 742,1 млрд теңгені құрады (2024 жылдың басынан бері 5,6%-ға ұлғаю). Міндеттемелер қарыздардың өтелуіне байланысты 239,1 млрд теңгеге дейін 1,1%-ға немесе 2,5 млрд теңгеге азайды (2024 жылдың басынан бері 0,5%-ға өсті). Меншікті капитал жекелеген қатысушының жарғылық капиталының өсуі нәтижесінде 1,5%-ға немесе 7,4 млрд теңгеге 503,0 млрд теңгеге дейін ұлғайды.

Сыртқы коммуникациялар Басқармасы

+7 (727) 237 1089

 press@finreg.kz

Ақпарат көзі: Қазақстан Республикасының Қаржы нарығын реттеу және дамыту агенттігі