Кездесуді ашқан Асайын Байханов өздерінің жетістіктерімен өңіріміздің даңқын асырып жүрген жастарға алғысын білдірді.- Даму тенденцияларының қазір басқаша екенін қайталаудан шаршамаймын, ерекше шешімдер мен мүмкіндіктердің уақыты келді. Сіздердің батыл әрі жарқын идеяларыңызға қолдау көрсету біз үшін өте маңызды. Және маған өңір басшысы ретінде, жастардың кетуіне жол бермеу өзекті, - деді облыс әкімі.

Кездесу «сұрақ-жауап» форматында өтті. «Astana Hub» өңірлік community менеджері Төлеубай Нұрсипат шағын аудандарда жастар үшін тегін коворкингтер ашуды ұсынды, хореограф Алима Макитова «Ертіс променад» сахнасында өтетін дарынды және креативті жастар фестивалінің тұжырымдамасымен бөлісті. Блогерлік турлардан бастап өңірдің имидждік өнімін жасауға дейін бірқатар идеялар айтылды. ЖБДО директоры Ризат Рахымжанов ТҮКШ мәселелері бойынша жүгінуге арналған платформаны таныстырды.

Сондай-ақ, өңір басшысы жастардың танымал демалыс орындарында тауарлар мен қызметтерге жеңілдіктер ұсынатын еліміздегі алғашқы жоба - «Жастар картасын» құру туралы бастаманы қолдады. Жастарды мемлекеттік қолдау шараларымен бөлісті.

Облыста 35 жасқа дейінгі 207 663 жастар бар. Бүгінде 2 трлн. теңгеге 91 жобадан тұратын пул қалыптастырылды, ол 10 мыңнан астам жаңа жұмыс орнын ашуға мүмкіндік береді.Осы жылдың 1 мамырына дейін қалалар мен аудандардың Мансап орталықтарына 1964 жас өтініш білдіріп, олардың 1424-і жұмысқа орналастырылды, оның ішінде 810 адам ауыл жастары. Жастарды нақты жұмысқа орналастыру үшін «Тиімді таңдау» жобасы жүзеге асырылуда. Жас мемлекеттік қызметшілерді өңірлік кадр резервіне қабылдау аяқталды.

Жастардың өз істерін ашу және кеңейту үшін жылдық 2,5%-бен биыл 820 млн. теңге сомасына 164 жеңілдетілген шағын несие беру жоспарланған.

Жастардың көпшілігін толғандыратын сұрақ - бұл үй сатып алу. «Отбасы банкімен» бірлесіп Павлодар мен Ақсу қалаларында жұмыс істейтін жастарға арналған «Ертіс жастары» өңірлік жеңілдетілген несие беру бағдарламасы іске қосылды.

Сондай-ақ, облыс әкімі Павлодар облысы әрдайым жас атақты жерлестерімен танымал екенін атап өтті. Біздің өңірден Мария Мудряк, Иманбек, Скриптонит, «Ирина Кайратовна» тобының негізін қалаушылардың бірі Алдияр Жапарханов, IT-технологиялар саласының ғалымы, PhD докторы, Google орталығында жұмыс істейтін Қуат Есенов. Аймағымыз даңқты спортшыларымен де танымал. Бүгінгі кездесуге 22 жасқа дейінгі ерлер арасындағы Азия чемпионатының күміс жүлдегері Сабыр Ерболат қатысты.

Өңір басшысы Павлодар бокс мектебінің тәрбиеленушісін жоғары жетістігімен құттықтап, жас спортшыға 2028 жылы Лос-Анджелесте өтетін Олимпиадаға лицензия алуына тілек білдірді және 1 млн теңгеге ақшалай сертификат табыс етті.

Кездесу соңында Асайын Байханов ақын Мағжан Жұмабаевтың «Мен жастарға сенемін» деген қанатты сөзін айтып, өңірдің болашағын әрдайым қолдайтынын жеткізді.

Павлодар облысы әкімінің баспасөз қызметіСуреттерді түсірген Валерий Бугаев

Ақпарат көзі: ГУ «Аппарат акима Павлодарской области»