Елордалық «Жанұя» отбасы институтын қолдау орталығында қала әкімдігі жанындағы үкіметтік емес ұйымдардың ынтымақтастығы мен өзара іс-қимылы жөніндегі консультативтік кеңестің кеңейтілген отырысы өтті. Кездесу Дүниежүзілік ҮЕҰ күніне орайластырылды, деп хабарлайды Астана әкімдігінің ресми сайты.

Жиынға сарапшылар мен азаматтық белсенділер қатысып, тәжірибелерін және сәтті жобалары туралы ойларын ортаға салды.

«Оңалту технологиялары мен тұжырымдамалары» қорының директоры Орынбасар Құлжабаева өзінің қорына қоғамның назарын аудару үшін үнемі әлеуметтік роликтер түсіретінін атап өтті.

«Біз 18 жылдан бері табысты жұмыс істеп келеміз. Клиенттерімізге психологиялық, әлеуметтік және заңгерлік көмек көрсете отырып, түрлі органдармен жұмыс істейміз. Әртүрлі мәселелерді шешу үшін жыл сайын әлеуметтік роликтер де түсіреміз. Олар қоғамның назарын еріксіз аударады», - дейді Орынбасар Құлжабаева.

Түрлі үкіметтік емес ұйымдармен және қала әкімшілігімен жұмыс істейтін тағы бір қоғамдық бірлестік – «Ардагер» ҮЕҰ. Қор 20 жылдан астам белсенді зейнеткерлермен ынтымақтастықта жұмыс істеп келеді.

«Біздің басты міндетіміз – егде жастағы адамдардың құқығын қорғау. Біз Қазақстан Республикасында қарттардың құқығына арналған заңның енгізілгенін қалаймыз. Сондықтан біз азаматтық секторды белсенді дамытып жатырмыз. Жұрт бізді көреді және бізге қарап ерекше күш-қуат алады», - дейді «Ардагер» қоғамдық ұйымының президенті Баян Ахметжанова.

Дүниежүзілік ҮЕҰ күнін мерекелеу аясында елордада апта бойы өтетін іс-шаралар жоспарланған. Мысалы, Қазақ технология және бизнес университетінде «Қазақстандағы азаматтық қоғам: ҮЕҰ рөлі мен болашағы» тақырыбында кездесу өтті. Онда студенттер үкіметтік емес сектордың дамуы, әлеуметтік процестерге әсері және жастардың азаматтық бастамалары саласындағы мүмкіндіктері туралы біле алды.

Ақпарат көзі: ГУ «Аппарат акима города Астана»