Жамбыл облысында Қазақстан Құрлық әскерлері «Оңтүстік» өңірлік қолбасшылығының тау қорықшылары полкі мен Қырғызстан армиясы әскери бөлімшесі әскери қызметшілерінің бірлескен тактикалық-арнайы оқу-жаттығуы аяқталды.

Жаттығудың соңғы кезеңін «Оңтүстік» өңірлік қолбасшылығы әскерлерінің қолбасшысы генерал-майор Қуанышбек Үштаев пен Қырғызстан Қарулы күштері Бас штабының өкілі полковник Әділ Кенеш уулу бақылады.

Шартты қарсылас орналасқан ауданға атыс шабуылын жасау және олардың көзін жою жөніндегі тактикалық эпизодын орындауға әскери қызметшілерге Шымкент авиабазасының ұшқыштары мен Тараз ұшқышсыз басқарылатын авиациялық жүйелерді жауынгерлік қолдану орталығының операторлары көмектесті. Ұшқышсыз басқарылатын құрылғылар бұл аймаққа әуе барлауын және нысана іздеу жұмыстарын жүргізді, ал тікұшақтың көмегімен топтар қарсыластың атыс алаңына жеткізілді.  

Қазақстан мен Қырғызстанның біріккен бөлімшелері оқу-жауынгерлік міндетін орындау барысында шеберліктерін шыңдап, тәжірибелерін арттырды.

Ақпарат көзі: Министерство обороны Республики Казахстан