Қарағандыда күзде DosStar ашық халықаралық оперетта және мюзикл фестивалін өткізу дәстүрге айналды. Биыл ол 19–22 қыркүйекте өтеді. Фестиваль алаңында Қазақстан, Ресей, Венгрия, Өзбекстан және Әзірбайжан әртістері өнер көрсетеді.

Фестиваль Қ. Қожамияров атындағы мемлекеттік Республикалық академиялық ұйғыр музыкалық комедия театрының қойылымымен ашылады.

Ұйғыр халқының әлемдегі жалғыз кәсіби ұжымы Қарағандыға алғаш рет келеді. Көрермендерге әзербайжандық композитор Узеир Гаджибековтың "Аршин мал алан" музыкалық комедиясы негізінде қойылған оперетта ұсынылады.

21 қыркүйекте музыкалық өнердің жанкүйерлері Имре Кальманның "Цирк ханшайымы" опереттасына халықаралық құрамда шақырылады. Партиялардың бірін Венгр солисі Нора Татай орындайды. Қарағандылық көрермен онымен бұрыннан таныс – бұрын кеншілер мәдениеті сарайының сахнасында ол Джузеппе Вердидің "Травиата" операсында басты партияны орындаған.

Фестиваль дәстүр бойынша үлкен гала-концертпен аяқталады, оған фестивальдің барлық қонақтары мен Қарағанды академиялық музыкалық комедия театрының әртістері қатысады.

Ақпарат көзі: ГУ «Аппарат акима Карагандинской области»