Астана қаласы Көлік және жол-көлік инфрақұрылымын дамыту басқармасы Алмалық көшесі бойынша Д. Бабатайұлы көшесінен Болашақ көшесіне дейінгі учаскеде жол төсеміне жөндеу жұмыстарының жүргізілетінін мәлім етті, деп хабарлайды елорда әкімдігінің ресми сайты.

Осыған байланысты 16 қыркүйек күні жоғарыда аталған учаске толығымен жабылады. Бұл ретте автокөлік құралдарының қозғалысы айналып өту схемасына сәйкес іргелес көшелер бойынша ұйымдастырылады.

Елорда тұрғындары мен қонақтарынан қала жолдарындағы кептелістерді болдырмау мақсатында өз маршруттарын алдын ала жоспарлауды сұрайды.

Ақпарат көзі: ГУ «Аппарат акима города Астана»