KazRockets қоры мен RocketTech KAZROCKETS Aerospace Tournament 2024 атты Қазақстандағы ең үлкен ракета модельдеу спорт жарысына шақырады. 

2024 жылғы 15-17 шілде аралығында Алматы қаласындағы Байсерке аэродромында KAZROCKETS Aerospace Tournament 2024 өтеді, оны KazRockets қоры

Қазақстан

Республикасы

Цифрлық даму

, инновациялар

және аэроғарыш өнеркәсібі министрлігінің

Аэроғарыш комитеті және RocketTech стартапы қолдауымен ұйымдастырады. Бұл Орталық Азиядағы жəне Қазақстандағы жылдық осындай ауқымды жарыс, жас өспірімдер арасында ракета модельдеу спорты мен практикалық инженерияны дамытуға бағытталған.

Турнирдің негізгі мақсаты — Қазақстан жастарын аэрокосмикалық технологияларды жəне ғылыми зерттеулерді оқуға шабыттандыру. Қатысушылар ракета модельдерін жобалап, құрастырып жəне іске қосады Біз спорттық ракета модельдеуге қызығушылықты қайта жандандыруды жəне ракета құрастыру арқылы ғылым мен инженерияға деген қызығушылықты ынталандыруды мақсат етеміз.

Іс-шара барысында ашылу салтанаты мен қауіпсіздік техникасы бойынша нұсқаулықтар өтеді, содан кейін қатысушылар S3A, S6A, S4, ракета тасымалдаушылары сияқты əртүрлі сыныптарда ұшу аппараттарын жобалау жəне іске қосу дағдыларын көрсетеді. Сонымен қатар, жабдықтар мен модельдер FAI халықаралық стандарттарына сəйкестігіне тексеріледі.

Біз 14 жастан бастап жастарды, студенттерді жəне жас мамандарды қоса алғанда, 150-ден астам қатысушыны күтеміз. Қатысушылар тек техникалық дағдыларын көрсетіп қана қоймай, сонымен қатар инженерлік жəне ғылыми салаларда сəтті мансап үшін қажетті командалық жəне коммуникативтік қабілеттерін дамытады. Турнир жеңімпаздары бағалы сыйлықтарға жəне аэрокосмикалық саласында оқуын жəне мансабын жалғастыру мүмкіндігіне ие болады.

Бізге қосылыңыз жəне Қазақстандағы аэрокосмикалық индустрияның даму тарихының бір бөлігі болыңыз! Жаңалықтар мен мəліметтерді біздің веб-сайтымыздан жəне əлеуметтік желілерден қадағалаңыз.

Ақпарат көзі: Министерство цифрового развития, инноваций и аэрокосмической промышленности Республики Казахстан