Телеграмм КС - https://t.me/consot_kz  

Конституциялық Сотқа азамат Әкімшілік рәсімдік-процестік кодекстің (ӘРПК) 136-бабының бесінші бөлігінің Конституцияға сәйкестігін қарау туралы өтінішпен жүгінді.

Оның пікірінше, аталған норма оның сот арқылы қорғалу құқығын шектейді.

Конституциялық Сот өтініш берушінің назарын ӘРПК нормасында әкімшілік актіге қарсы талап қою үшін бір айдан бір жылға дейінгі мерзім белгіленгенін атап өтті. Сонымен қатар 136-бапта өткізіп алған мерзімді қалпына келтіру мүмкіндігі қарастырылған. Өтініш беруші өтінішінде сот арқылы қорғалу құқығын пайдаланғанын көрсеткен.

Осылайша, қолданыстағы норма оның өз құқығын жүзеге асыруына кедергі болмаған.

Алдын ала зерделеу нәтижелері бойынша өтініш беруші келтірген дәлелдер дау айтылып отырған норманың Конституцияға сәйкестігін тексеру үшін жеткіліксіз деп танылды.

Ақпарат көзі: Қазақстан Республикасының Конституциялық Соты