Қалалық мәслихаттың кезекті XVIII сессиясы отырысында шаһарымыздың әлеуметтік-экономикалық дамуына бағытталған бірінші жарты жылдықтың жұмыстары туралы талқыланды. Оның ішінде қала әкімі Азамат Бекет қоғамдық тасымал саласын жақсарту үшін атқарылып жатқан жұмыстарды депутаттарға баяндады.

«Бүгінгі таңда жолаушылар тасымалын 46 бағыт бойынша5 кәсіпорын жүзеге асырады. Күнделікті 278 астам автобус тұрғындарға қызмет көрсетіп келеді.Жыл соңына дейін “Ютонг”маркалы 95 автобус сатып алынады (Автопарк – 80 бірлік, Қала Транс - 15 үлкен автобус).Сонымен қатар, өздеріңіз білетіндей, 1 сәуірден бастап қаламыздың қоғамдық көліктерінде зейнеткерлер мен мүмкіндігі шектеулі адамдарға тегін жол жүру жеңілдігі беріліп, оған қала бюджетінен 625 млн. теңге бөлінді», - деді Азамат Бекет.

Ол сондай-ақ әлеуметтік нысандардың құрылысына да тоқталды. «Биыл Жаңақоныста 150 орындық Мәдениет үйінің құрылысы жалғасуда. Оны қыркүйек айында қолданысқа беру жоспарлануда.Сонымен қатар, Есет батыр шағын ауданында кітапханамен біріктірілген 400 орындық Мәдениет үйінің құрылысы басталды.Қазіргі танда қаламыздың 4 тұрғын алабында (Жарық, Қызылжар, Өрлеу, Пригородный т/а) мәдениет ошақтарын салу үшін жобалық сметалық құжаттамалары әзірленді, мемлекеттік сараптамадан өтуде», - деді қала әкімі.Сол сияқты, Ақжар-2, Жарық, Заречный-3, К.Нокин, Қызылжар тұрғын алаптарында жыл соңына дейін 5 дене шынықтыру-сауықтыру кешенінің құрылыстары аяқталады. Қурайлы тұрғын алабында да дене шынықтыру-сауықтыру кешенінің жобалық-сметалық құжаттамалары әзірленіп, мемлекеттік сараптамадан өтуге жолданды.

Сондай-ақ, биыл 6 балалар ойын алаңы орнату және 5 көпфункционалды футбол алаңы салынады. Қала тұрғындарының бастамасымен “Халық қатысатын бюджет” бағдарламасы аясында 11-шағын ауданда орналасқан футбол стадионын жаңғырту жүргізіледі. Осы бағдарлама бойынша барлығы биылға 79 жоба жүзеге асырылатын болады.

Ақпарат көзі: ГУ «Аппарат акима города Актобе»