Ұлттық алдын алу тетігінің (бұдан әрі - ҰАТ) қатысушыларының өкілеттік мерзімдерінің өтуіне байланысты Қазақстан Республикасындағы Адам құқықтары жөніндегі уәкіл жанындағы үйлестіру кеңесі 2025-2026 жылдарға ҰАТ қатысушыларын іріктеуді жариялайды.

Ұлттық алдын алу тетігі ҰАТ қатысушыларының қызметі арқылы жұмыс істейтін, азаптауларға және басқа да қатыгез, адамгершiлiкке жатпайтын және ар-намысты қорлайтын iс-әрекеттер мен жазалау түрлерiнің алдын алу жүйесі түрінде қолданылады.

ҰАТ қатысушылары өз қызметі шеңберінде ақысы төленетін мынадай:

- жазаны орындайтын мекемелер мен органдарға;

- арнаулы әлеуметтік қызметтер көрсетілетін субъектілерге;

- мәжбүрлеп емдеуге арналған ұйымдарға;

- қоғамнан уақытша оқшаулауды қамтамасыз ететін арнайы мекемелер мен үй-жайларға;

- кәмелетке толмағандарды бейімдеу орталықтарына, арнайы білім беру ұйымдарына, ерекше режимдегі білім беру ұйымдарына;

- Қазақстан Республикасының заңдарымен айқындалатын өзге де ұйымдарға алдын алу баруларды  жүзеге асырады.

Іріктеуге қатысу үшін кандидат Үйлестіру кеңесіне белгіленген нысан бойынша мынадай: құжаттарды қоса бере отырып өтініш береді:

1) жеке басын куәландыратын құжаттың көшірмесі;

2) үміткердің өз қолымен жазылған өмірбаяны;

3) білімі туралы дипломның көшірмесі, ал ол болмаған жағдайда-аттестаттың көшірмесі;

4) еңбек қызметін растайтын, жұмыс орнынан кадр қызметі куәландырған құжаттың көшірмесі;

5) жұмыс орнынан анықтама (жұмыс болған жағдайда);

6) республика бойынша мәліметтерді көрсете отырып, оны ұсынғанға дейін кемінде бір ай бұрын берілген соттылығының жоқтығы туралы анықтама;

7) психоневрологиялық диспансерден берілген сәттегі жарамды анықтама;

8) наркологиялық диспансерден берілген сәттегі жарамды анықтама;

9) үй, жұмыс және ұялы телефон нөмірлері, сондай-ақ дербес электрондық мекенжайы көрсетілген бөлек парақ;

10) электрондық форматта 3 х 4 фотосуретті бар құжаттарды қоса бере отырып өтініш береді.

ҰАТ-қа ҚАТЫСУШЫ болып:

1) заңда белгіленген тәртіппен жойылмаған немесе алынбаған соттылығы бар;

2) қылмыстық құқық бұзушылықтар жасады деген күдікті немесе айыпталушы мәртебесі бар;

3) сот әрекетке қабiлетсiз немесе әрекет қабілеті шектеулі деп танылған;

4) жұмыс атқарып жатқан судья, адвокат, мемлекеттік қызметші мен әскери қызметші, сондай-ақ құқық қорғау және арнаулы мемлекеттік органның қызметкері;

5) психиатрда және (немесе) наркологта есепте тұрған;

6) қасақана құқық бұзушылық жасағаны үшін ақталмайтын негіздер бойынша қылмыстық жауаптылықтан босатылған мәртебесіндегі;

7) мемлекеттік немесе әскери қызметтен, құқық қорғау және арнаулы мемлекеттік органдардан, соттардан шығарылған немесе теріс себептермен адвокаттар алқасынан шығарылған немесе адвокаттық қызметпен айналысуға лицензиясынан айырылған мәртебесіндегі адам бола алмайды.

ҰАТ қатысушыларын іріктеу рәсімімен және бару шығындарын өтеу арқылы сіз Адам құқықтары жөніндегі уәкілдің 2023 жылғы 27 қаңтардағы № 4 бұйрығымен бекітілген Ұлттық превентивтік тетігі қатысушыларын іріктеу қағидаларында (

http://10.61.42.188/kaz/docs/V2300031836

), Қазақстан Республикасы Үкіметінің 2014 жылғы 2 сәуірдегі № 301 қаулысымен Ұлттық алдын алу тетiгi қатысушыларының алдын ала бару жөніндегі шығыстарын өтеу қағидаларында (http://10.61.42.188/kaz/docs/P1400000301) толығырақ таныса аласыз.

Құжаттар осы хабарландыру Қазақстан Республикасындағы Адам құқықтары жөніндегі уәкілдің ресми интернет-ресурсында жарияланған күннен бастап күнтізбелік отыз (30) күн ішінде қолма-қол, пошта арқылы (Астана қ., Мәңгілік ел даңғылы, 8, «Министрліктер үйі» ғимараты, 15-кіреберіс, Адам құқықтары жөніндегі ұлттық орталық), ombudsman.npm.2024@gmail.com электрондық поштасы арқылы қабылданады.

Қазақстан Республикасындағы Адам құқықтары жөніндегі уәкілдің Интернет-ресурсы: https://www.gov.kz/memleket/entities/ombudsman.

 

 

Өтініш үлгісі

 

 

Қазақстан Республикасындағы

Адам құқықтары жөніндегі уәкілжанындағы үйлестіру кеңесі

 

 

Арыз

 

__________________________________ облысы/қаласы бойынша ұлттық превентивтік тетікке қатысушылардың құрамына енгізу үшін менің кандидатурамды қарауыңызды сұраймын.

 

Жұмыс орны және лауазымы (болған жағдайда):

__________________________________________________

 

Т.А.Ә. (болған жағдайда), қолы, күні.

Ақпарат көзі: Қазақстан Республикасындағы Адам құқықтары жөніндегі уәкіл