Ұлытау облысы аумағында білімді насихаттау, халықты оқыту және ақпараттандыру табиғи және техногендік сипаттағы төтенше жағдайлардың алдын алу бойынша оқу-жаттығулар өткізілуде.

Іс-шаралардың негізгі мақсаты халықтың, әсіресе балалардың қауіпсіздік мәдениетің арттыру, төтенше жағдайлардың алдын алу және оның зардаптарын барынша азайту болып табылады. Бұндай оқу-жаттығулар барлық мектептерде, адамдар көп жиналатын орындарда тұрақты түрде өткізілуде.

Жер сілкінісі кезіндегі іс-қимылдар бойынша халық арасында білімді насихаттау, халықты оқыту және ақпараттандыру мақсатында қала аумағында төтенше жағдайлар кезінде зардап шеккен халықтың жақын орналасқан қабылдау пунктерінің орналасқан жері туралы ақпарат қамтылған 150-ге жуық QR-коды бар тақтайшалар әзірленіп, көп қабатты тұрғын үйлердің және адамдардың көп шоғырланатын сауда нысандарының кіре берістеріне орналастырылды.

Ұлытау облысы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан