Мұғалжар ауданында да су тасқынының салдарын жою бойынша ауқымды іс-шаралар атқарылып жатыр. Тасқын кезінде су басқан Жағабұлақ ауылында бүгінде жаңадан 9 үй салынып жатыр. Бірлік ауылында 5 үйдің құрылыс жұмыстары жүргізілуде. Құрылыс жұмыстарын «Айлин СтройТрейд» компаниясы жүргізуде.

Ауданда су тасқыны кезінде барлығы 76 үй мен 3 коммерциялық нысанға зақым келіп, 8 шаруа қожалығы шығындалған. Су тасқынынан зардап шеккендерге 26 миллион теңгеден астам біржолғы көмек берілді.

Апатты үйлердің тұрғындарынан баспана сатып алуға 54 өтініш түсті. Енді олар қайталама нарықтағы баспанамен қамтамасыз етіледі.

Бүгінгі күнге 42 отбасыға үй сатып алынып берілді. Қалған сатып алынатын үйлер бойынша келісімшарт жасалынып құжаттары дайындалуда. Сонымен қатар аудан бойынша 8 үйге жөндеу жүргізіледі, осы мақсатта 17 миллион теңге берілді.

Ақпарат көзі: ГУ «Акимат Актюбинской области»