Қазақстан Республикасының сауда және интеграция министрлігі Еуразиялық экономикалық одақтың сәйкестікті бағалау жөніндегі органдардың бірыңғай ұлттық тізілімінің бөлігіне сәйкестікті бағалау жөніндегі органдарды қосу немесе алып тастау туралы шешімдер қабылдауға қатысты қағидаларға өзгерістер енгізді. Бұл өзгерістер Қазақстан Республикасы Сауда және интеграция министрінің міндетін атқарушының 2025 жылғы 13 наурыздағы № 99-НҚ бұйрығымен бекітілген.

Негізгі өзгерістер бюрократияны қысқартуға және Еуразиялық экономикалық одақтың сәйкестікті бағалау жөніндегі органдардың бірыңғай тізіліміне сәйкестікті бағалау жөніндегі органдарды қосу және алып тастау жөнінде шешім қабылдау процесін жеделдетуге бағытталған.

Атап айтқанда, қазір аккредиттелген сәйкестікті бағалау органдар жеке өтініш бермей-ақ аккредиттеуден кейін Ұлттық тізілімге енгізілуі мүмкін. Ол үшін бұрын Министрліктің Техникалық реттеу және метрология комитеті басқарған функция енді «Ұлттық аккредиттеу орталығы» ШЖҚ РМК-ға берілді.

Бұл өзгерістер процесті едәуір жеңілдетеді, оны тездетеді және аккредиттелген ұйымдардың тізілімге тезірек қосылуын қамтамасыз етеді.

Сонымен қатар, өзгерістер аккредиттеу рәсімдерінің сапасы мен тиімділігін жақсартуға ықпал етеді, ашықтықты және Еуразиялық экономикалық одақтың талаптарына сәйкестікті арттырады. Бұл экономикалық ынтымақтастықты нығайтады және неғұрлым қауіпсіз және сапалы нарықты құруға ықпал етеді.

Өзгерістер 2025 жылдың 5 сәуірінен бастап күшіне енеді.

Ақпарат көзі: Министерство торговли и интеграции Республики Казахстан