Павлодарда облыс әкімінің жаңа жылдық шырша мерекесі өтті

26 Желтоқсан 2024 жылдың 6 Павлодар облысы ГУ «Аппарат акима Павлодарской области»

Балалар үшін жаңа жыл қарсаңындағы мерекелік іс-шаралар жалғасуда. Бүгін облыс әкімінің атынан жаңа жылдық шырша өтті. Дәстүрлі мерекеге өңірдің түкпір-түкпірінен 100-ге жуық жетім, аз қамтылған және көп балалы отбасылардан шыққан балалар, сондай-ақ, оқуда, шығармашылықта, спортта жетістікке жеткен балалар жиналды.

Асайын Байханов балаларды құттықтап, мықты денсаулық, оқуда табыс және жоғары жетістіктер тіледі.

- Мен сендерге өз күштеріңе сенуді және армандарыңның орындалуын тілеймін. Әр баланың бойында талант бар, ал, оны ашуға көмектесу - біздің міндетіміз. Жақсы оқып, ата-аналарың мен ұстаздарыңды қуантыңдар. Жаңа жыл барлығың үшін үлкен жеңістердің бастауы болсын, - деді облыс әкімі.

Балаларға ертегі кейіпкерлерінің қатысумен жаңа жылдық театрландырылған қойылым қойылды.

Балалар аймақ басшысынан естелік жаңа жылдық сыйлықтар алды: ашықхат, ойыншық, тәттілер, кітап және 130 мың теңгеге ақшалай сертификат. Мереке тәтті шаймен аяқталды.

Павлодар облысы әкімінің баспасөз қызметіСуреттерді түсірген Валерий Бугаев

Ақпарат көзі: ГУ «Аппарат акима Павлодарской области»

Біздің Telegram арнамызға жазылыңыз және барлық маңызды оқиғалардан хабардар болыңыз, мына сілтеме - https://t.me/gurkkz