ШҚО-да 2025 жылғы көктемгі әскерге шақыру науқаны басталады

26 Ақпан 2025 жылдың 2 Шығыс Қазақстан облысы ГУ «Аппарат акима города Усть-Каменогорска Восточно-Казахстанской области»

Ағымдағы жылдың 1 наурызынан бастап ШҚО-да көктемгі әскерге шақыру науқаны басталады, ол маусым айының соңына дейін жалғасады. Осы науқан аясында 18-27 жас аралығындағы ер азаматтар ҚР Президентінің жарлығына сәйкес мерзімді әскери қызметке шақырылады. Бұл туралы ШҚО Қорғаныс істері Департаменті бастығының орынбасары (тәрбие және идеологиялық жұмыс мәселелеріне жетекшілік ететін) басқарма бастығы Жасұлан Сатбалдиев Өңірлік коммуникациялар алаңында мәлімдеді.

- Әскерге азаматтарды шақыру – бұл Қарулы Күштерді, басқа да әскерлер мен әскери құрылымдарды жасақтауға бағытталған маңызды процесс. Биыл Шығыс Қазақстан облысынан 1000-нан астам жас жігіт шақырылып, олар бүкіл ел аумағында қызмет етеді, - деді Жасұлан Сатбалдиев.

Медициналық және шақыру комиссиялары облыстың 10 ауданында өз жұмысын бастайды, ал жергілікті әскери басқару органдары әскерге шақырылушыларға хабарлау жұмыстарын ұйымдастырады. Еске сала кетейік, хабарлау тек дәстүрлі шақыру қағаздары арқылы ғана емес, сонымен қатар заманауи технологияларды пайдалану – мобильді телефондарға SMS-хабарламалар жіберу арқылы да жүргізіледі.

Әскери қызметтен жалтару заң бойынша ауыр салдары бар екенін атап өту керек. Егер шақырылушы негізсіз келмесе, оған айыппұл салынады, ал медициналық тексеруден өтуден бас тартса – ескерту немесе айыппұл қарастырылған. Ал егер заңды себепсіз әскери қызметтен жалтарса, қылмыстық жауапкершілікке тартылады. Бұл айыппұл төлеуге, түзеу немесе қоғамдық жұмыстарға, тіпті бас бостандығынан айырылуға дейін алып келуі мүмкін.

ҚР Қорғаныс министрлігі әскерге қызмет етуге қызығушылықты арттыру үшін бірқатар шаралар қабылдауда. Олардың арасында «Несиелік демалыс» бағдарламасы, бұл қызметке шақырылған азаматтарға қызмет мерзімінде несиелер мен қарыздарды төлеуден босату мүмкіндігін береді. Сонымен қатар, мерзімді әскери қызметті абыроймен атқарып шыққан азаматтарға «Срочник 2.0» жобасы аясында университеттерге қабылдау емтихансыз түсу мүмкіндігін ұсынады.

Ақпарат көзі: ГУ «Аппарат акима города Усть-Каменогорска Восточно-Казахстанской области»

Біздің Telegram арнамызға жазылыңыз және барлық маңызды оқиғалардан хабардар болыңыз, мына сілтеме - https://t.me/gurkkz

ШҚО-да 2025 жылғы көктемгі әскерге шақыру науқаны басталады Ағымдағы жылдың 1 наурызынан бастап ШҚО-да көктемгі әскерге шақыру науқаны басталады, ол маусым айының соңына дейін жалғасады. Осы науқан аясында 18-27 жас аралығындағы ер азаматтар ҚР Президентінің жарлығына сәйкес мерзімді әскери қызметке шақырылады. Бұл туралы ШҚО Қорғаныс істері Департаменті бастығының орынбасары (тәрбие және идеологиялық жұмыс мәселелеріне жетекшілік ететін) басқарма бастығы Жасұлан Сатбалдиев Өңірлік коммуникациялар алаңында мәлімдеді. - Әскерге азаматтарды шақыру – бұл Қарулы Күштерді, басқа да әскерлер мен әскери құрылымдарды жасақтауға бағытталған маңызды процесс. Биыл Шығыс Қазақстан облысынан 1000-нан астам жас жігіт шақырылып, олар бүкіл ел аумағында қызмет етеді, - деді Жасұлан Сатбалдиев. Медициналық және шақыру комиссиялары облыстың 10 ауданында өз жұмысын бастайды, ал жергілікті әскери басқару органдары әскерге шақырылушыларға хабарлау жұмыстарын ұйымдастырады. Еске сала кетейік, хабарлау тек дәстүрлі шақыру қағаздары арқылы ғана емес, сонымен қатар заманауи технологияларды пайдалану – мобильді телефондарға SMS-хабарламалар жіберу арқылы да жүргізіледі. Әскери қызметтен жалтару заң бойынша ауыр салдары бар екенін атап өту керек. Егер шақырылушы негізсіз келмесе, оған айыппұл салынады, ал медициналық тексеруден өтуден бас тартса – ескерту немесе айыппұл қарастырылған. Ал егер заңды себепсіз әскери қызметтен жалтарса, қылмыстық жауапкершілікке тартылады. Бұл айыппұл төлеуге, түзеу немесе қоғамдық жұмыстарға, тіпті бас бостандығынан айырылуға дейін алып келуі мүмкін. ҚР Қорғаныс министрлігі әскерге қызмет етуге қызығушылықты арттыру үшін бірқатар шаралар қабылдауда. Олардың арасында «Несиелік демалыс» бағдарламасы, бұл қызметке шақырылған азаматтарға қызмет мерзімінде несиелер мен қарыздарды төлеуден босату мүмкіндігін береді. Сонымен қатар, мерзімді әскери қызметті абыроймен атқарып шыққан азаматтарға «Срочник 2.0» жобасы аясында университеттерге қабылдау емтихансыз түсу мүмкіндігін ұсынады.