Әлеуметтік желілерде радикализмді насихаттайтын экстремистік топтардың белсенділігі өте жоғары. Жас дін мамандары осы желілерде теріс ақпаратқа қарсы жүйелі түрде жұмыс жүргізіп, радикалды идеологияны жоққа шығаратын ақпарат тарату маңызды.

Әлеуметтік желідегі қарсы насихат жұмыстары шеңберінде Атырау облысы Терроризмге қарсы комиссиясы қолдай отырып, «Жәрдем-Атырау» КҚ-ның ұйымдастыруымен Нұр-Мүбарак» университетінің (Алматы) атыраулық студенттеріне «Радикализмді жеңудің ақпараттық құралдары: әлеуметтік желі контекстінде» тақырыбында «семинар өтті.

Жүзеге асқан бұл семинарға «Нұр-Мүбарак» университетінің әлеуметтік желі бойынша қызмет етіп жүрген бір топ атыраулық студенттері қатысты, онда жүргізіліп жатқан жұмыс барысы пысықталды, жарты жылда атқарған қызмет қорытындыланды.

Сарапшылар жас мамандарға діни білім мен құндылықтарды заманауи тілде жеткізіп, төзімділік, өзара құрмет және мәдениаралық диалог мәселелерінде белсенді жұмыс істей алатындықтарын алға тартып, презентация арқылы студенттердің жұмысына талап-тілегін, ұсынысын білдіріп, кем-кетік тұстарын көрсетті.

Студенттер де ерекше дайындықпен келіп, өздерінің пікірлері мен идеяларын ортаға салды.

Материал Атырау облысы бойынша Терроризмге қарсы

комиссия аппаратының ақпараты негізінде дайындалды

Ақпарат көзі: Қазақстан Республикасының Терроризмге қарсы орталығы