Батыс-2 шағын ауданының Тәуелсіздік көшесі мен “Байсанат” тұрғын үй кешенін көктемгі дала суларынан қорғау мақсатында суағар салынып жатыр. Бүгін мердігер мекеме “ZNS group” ЖШС жұмыстар барысын қала әкіміне таныстырды. Тәуелсіздік көшесімен келген судың жолына салынып жатқан суағар Сәңкібай батыр даңғылындағы суағар жүйесіне барып қосылады. Дала сулары арна арқылы Саздыға барып құятын болады. Ұзындығы 450 метр, тереңдігі 1 метр, ені 1,4 метр болатын суағар бетоннан құйылады. Мердігердің айтуынша, жерасты арқылы тұрғын үй кешеніне қарай тартылған 17 коммуникация желісінің орындарын ауыстыруға ұзақ уақыт кеткен.

“Жұмысты жеделдету керек. Бұдан бөлек, сіздер елді мекендерде көктемде су тасқыны кезінде су шайған топырақ үйінділерін (обваловка) қайта бекіту жұмыстарын бастаңыздар. Қай жерді бекіту керектігін, қай тұстарды жаңадан бөгеу керектігін орынға шығып қарап, күзге дейін аяқтаңыздар”, - деп тапсырды Азамат Бекет.

Ақпарат көзі: ГУ «Аппарат акима города Актобе»