Қобда ауданында су тасқынынан зардап шеккендер үшін салынып, пайдалануға берілген үйлерге тұрмыстық техникалар жеткізілді. Тоңазытқыш пен кір жуғыш автомат машиналар демеушілер мен мердігерлердің көмегімен алынған.

Жаңа техникаларды алған жаңа қоныс иелерінің қуанышында шек жоқ.

«Бүгінгі шашу таратып жатқан аудан әкімшілігіне, құрылыс компания өкілдеріне алғысымызды айтамыз. Әрқашан жұмыстарыңыздың жемісін көріңіздер. Ризамыз», - деді Қобда ауылының тұрғыны Санжан Есмағамбетова.

Айтып өтейік, тасқыннан кейін барлығы 147 үй салуға шешім қабылданған болатын. Қобда ауданының орталығында 130 үй, Жарық ауылында 17 үй салынды.

Ақпарат көзі: ГУ «Акимат Актюбинской области»