«Локомотив» стадионында Жамбыл облысының Байзақ ауданында орын алған өртті сөндіру кезінде қызметтік міндеттерін орындау барысында ерлікпен қаза тапқан азаматтық қорғау органдарының қызметкерлерін еске алуға арналған кіші-футбол турнирі өтті.

Турнир ашылар алдында қаза тапқан құтқарушылардың әріптестері мен туыстары ескерткіш мемориалына гүл шоқтарын қойды. Турнирдің ашылуында облыс ТЖД бастығы полковник Арман Тоқанов құттықтау сөз сөйледі. Сондай-ақ, қаза тапқан батырдың анасы Айткүл Айманова қатысушыларға сәлем жолдады.

      Турнирге республика бойынша түрлі аймақтардан келген құқық қорғау органдары мен күш құрылымдарының 12 командасы қатысты. Командалар арасындағы бәсекелестік өте тартысты өтті. Спортшылар көрермендерге жоғары деңгейдегі ойын мен шеберлікті көрсетті, бұл қатысушыларға көптеген позитивті эмоциялар сыйлады. Нәтижесінде, «алтын» жеңісті  Жамбыл облысы Ұлттық қауіпсіздік департаментінің командасы жеңіп алды. «Күміс» жүлдеге Жамбыл облысы ТЖД командасы, ал қола медальға «Оңтүстік өңірлік қолбасшылығы» командасы ие болды.

     Футболшылар патриоттық рухты, қызметтік борышқа адалдықты, ұрпақтар сабақтастығын нығайтуды, бұқаралық спортты дамытуды және дене шынықтыру, спорттық және жауынгерлік шеберлікті арттыру қабілеттерін көрсетті.

      Дәстүр бойынша, төрешілер алқасы әр командадан үздік ойыншыларды атап өтті. Турнирге қатысқан барлық командаларға дипломдар мен медальдар табысталды, ал үздіктер кубоктар мен ақшалай сертификаттар алды.

Жамбыл облысы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан