"Мен мемлекеттік тілде қызмет көрсете аламын" байқауы Теміртау қаласындағы дәстүрге айналған байқаулардың бірі. Оған қазақ тілі ана тілі болып табылмайтын, бірақ оны меңгеру деңгейі өз жұмысында пайдалы маман болу үшін жеткілікті қала тұрғындары қатысады.

Байқау 2021 жылдан бері өткізіліп келеді. Ұйымдастырушылар – "Теміртау қаласының мәдениет, тілдерді дамыту, дене шынықтыру және спорт бөлімі" ММ және "Теміртау қаласының тілдерді дамыту орталығы" КММ. Басты миссия-мемлекеттік тілдің мәртебесін арттыру, оны теміртаулықтардың қоғамның түрлі салаларында қолдану аясын кеңейту, қазақ тіліндегі контентті ұлғайтуға жәрдемдесу және өзге ұлт өкілдерінен болатын кәсіпкерлердің қызмет көрсету сапасын арттыру.

- Байқауды біз төртінші жыл өткізіп отырмыз. Бастапқыда біз оны шағын және орта бизнес өкілдері арасында өткіздік, бірақ биылдан бастап басқа да қала тұрғындарының өтініші бойынша әртүрлі қызметтер көрсететін барлық санаттар – мысалы, бюджеттік ұйымдардың өкілдері де қатыса бастады. Өтінім бойынша биыл бізде жеке кәсіпкерлер, сатушылар, әскери қызметкер, оқытушылар бар, - дейді "Теміртау қаласының тілдерді дамыту орталығы" КММ басшысы Меруерт Ахметжанова.

Байқауда қатысушы мемлекеттік тілді меңгеру деңгейін және оны өз жұмысында  қолдана алуын көрсетеді. Бірінші кезеңде қатысушы өзін таныстырады. Екінші кезеңде сайыскер өз қызмет саласында мемлекеттік тілде қалай қызмет көрсететінін көрсететін бейнеролик дайындайды. Үшінші кезең-өз қызметін немесе тауарын жарнамалау.

Екатерина Яковенко, 5516 әскери бөлімінің аға маманы және қаржы қызметінің көмекшісі, 34 жаста. Екатерина өзінің білім деңгейін бастапқы деп бағалайды-мектептегі пән бойынша бағасы 4 болған. Әскери жұмысына  қажетті мамандандырылған мемлекеттік тілді оқымаған.

- Мен мемлекеттік тілді білу конкурсына  өз күшімді сынап көру үшін қатысамын. Мен әскери бөлімде оқимын, бізде оқытушы бар, сабақтар аптасына бір рет өтеді. Сондай-ақ, біз тілдерді дамыту орталығының да курс тыңдаушылары болдық, бізге бастауыш деңгейдің сертификаттары табысталды. Мен мемлекеттік тілді күнделікті ауызекі сөйлесу деңгейінде білемін. Қазір мен әскери іс үшін мамандандырылған сабақ алып жүрмін. Онда біз командаларды үйренеміз. Тілді білу - құжаттарды рәсімдеу кезінде өте пайдалы, күнделікті өмірде де пайдалы. Мемлекеттік тілді үйрену керек, ол өмірде маңызды рөл атқарады. Егер өзіңіз қалап тұрсаңыз тіл үйрену өте қиын емес, бірақ күш салу қажет", - дейді Екатерина Яковенко.

Динара Мырзабаева курстарда екі ай тіл үйренгеннен кейін өз күшін сынап көруге шешім қабылдады.

- Мен үй шаруасындағы әйелмін. Мен tilder Temirtau-да оқытатын қазақ тілі курстарына барамын, олар туралы Instagram арқылы білдім, пікірлерді оқыдым. Маған бұл курстардағы адамдардың сөйлей бастағаны, ән айтқаны, көбірек араласқаны ұнады. Маған қазақ тілі ұнайды және еркін сөйлегім келеді. Менің ұлтым татар. Қазір мен 2-нші ай курстарға барып жүрмін, алған білімім орасан зор, Бізге сабақтар жақсы түсіндіріледі, үйретеді, акцентсіз дұрыс сөйлеуге үйреніп жатырмын.  Мен барлығына курстарға баруға кеңес беремін, ұялмаңыз, тілді білу сіздің өміріңізді жақсартады және тілдік кедергіні жояды, - деп бөлісті конкурсқа қатысушы Динара Мырзабаева.

Байқаудың көптеген қатысушылары-қазақ тілін қысқа мерзімді немесе үш айлық курстарда оқыған "Теміртау қаласының тілдерді дамыту орталығы" КММ тыңдаушылары.  Айта кету керек, орталықта 10 жыл ішінде 8 мыңнан астам теміртаулықтар тілдерді тегін негізде үйренді.

- Байқау қарсаңында біз жарнаманы қала тұрғындары үшін әлеуметтік желілерде  орналастырамыз, қызмет көрсету салаларында жүрген мемлекеттік тілді жақсы меңгерген қала тұрғындарын шақырамыз. Жыл сайын бізде тыңдаушылар санымен қоса осы байқауға қатысам деушілер саны да артып келеді, біздің оқытушылар да өз тыңдаушылары арасында байқауды жарнамалайды. Биылғы жылы байқауға қатысқандардың көбі біздің тыңдаушылар. Әрине, бұл байқауға біздің тыңдаушы болмағандар да тілек білдірсе, біз әрқашан қуаныштымыз. Конкурстың мақсаттарының бірі-қазақ тілінде қызмет көрсете алатын азаматтарды анықтау және көтермелеу. Біздің арамызда мемлекеттік тілді жақсы меңгерген басқа ұлт өкілдері көп, - дейді Меруерт Ахметжанова. 

Байқаудың жалпы жүлде қоры 350 мың теңгені құрайды. Байқаудың қазылар алқасы марапаттарды келесідей бөлді:

Белсене қатысқаны үшін ынталандыру сыйлықтары

Мурзабаева Динара Камильевна, Труфанова Ирина Викторовна, Щербакова Людмила Босмамедовналарға берілді.

3 орынды Ткаченкова Анастасия Васильевна мен Мирзаева Салихамо Олимбековна бөлісті. 2 орынды Яковенко Екатерина Сергеевна,1 орын үшін жүлдені Анастасия Сергеевна Мельникова жеңіп алды.

- Мен 24 жастамын, Қар МУ университетінің шет тілдер факультетінде оқытушы болып жұмыс істеймін. Мен қазақ тілі курстарына қаңтар айынан бастап қатысып келемін. Егер менде жаңа тілді үйрену мүмкіндігі болса, мен оны міндетті түрде қолданамын. Мүмкін, мен осы салада жұмыс істегендіктен шығар – мен ағылшын тілінің оқытушысымын, маған тілдерді үйрену қиын емес. Мен орталықтағы курстарға мектептен кейінгі базамен  келдім. Бірақ осы курстарда ғана коммуникацияға бағытталған арнайы әдіс бар. Мен курстарға өте ризамын, олардың арқасында менің сөйлеу тілім мен сенімділігім артты. Мен өзімді көрсетіп, курстарға бекер бармағанымды, білімімді сынап, достық атмосферада уақыт өткізу үшін конкурсқа қатысуды шештім. Мен барлығына тегін курстарға баруды ұсынамын, бұл үшін біздің қалада бәрі жасалған. Әрине, онда алған білімді күнделікті өмірде қолданып отыру керек, - дейді Анастасия Мельникова.

Қазақ тілін үйретудің тегін курстарына жазылу үшін "Теміртау қаласының тілдерді дамыту орталығы" КММ мына мекен-жай бойынша хабарласуға болады: Тәуелсіздік бульвары, 2. Анықтама телефондары: 92-20-10; +7702 363 69 70

Ақпарат көзі: ГУ «Аппарат акима города Темиртау»