Осы тақырыпты арқау еткен кездесуде Ұлытау облысының террористік тұрғыдан осал (бұдан әрі - ТТО) объектілердің тізіміне енгізілген оқу орындарының бірінші басшылары үшін ақпараттық-түсіндіру жұмыстары  жүргізілді.

Оған аймақтағы барлық білім беру саласындағы ТТО объектілердің меншік иелері, басшылары мен терроризмге қарсы қауіпсіздікке жауапты қызметкерлер қатысты. Сонымен қатар, Қаражал және Жаңаарқа, Ұлытау аудандарынан «ZOOM» бағдарламасы арқылы қосылды (барлығы - 135 қызметкер).

Алдымен, ТТО білім беру объектілерінің терроризмге қарсы қорғалуын ұйымдастыру, террористік қауіп туындаған жағдайдағы алғашқы әрекет ету алгоритмі пысықталып, қатысушылар назарына ҚР ТҚО штабы дайындаған оқу бейнематериалдары ұсынылды. Алғашқы әрекет ету алгоритмінің маңыздылығымен қатар нормативтік құқықтық актілер бойынша түсіндірме жұмыстарына жан-жақты тоқталды.

Сонымен қатар, ҚР Білім және ғылым министрлігінің 2022 жылғы 30 наурыздағы №117 бұйрығымен бекітілген «Қазақстан Республикасы білім беру саласындағы  қызметті жүзеге асыратын террористік  тұрғыдан осал объектілердің терроризмге  қарсы қорғалуын ұйымдастыру жөніндегі нұсқалығының» (бұдан әрі – Нұсқаулық) талаптары жеткізілді.

Қорытындылай келе, білім беру объектілерінде терроризм актісін жасауды барынша азайтуға ықпал ету мақсатында ТТО объекті басшылары мен терроризмге қарсы қауіпсіздікке жауапты қызметкерлерге Нұсқаулық талаптарына сәйкес барлық ұжымды қамти отырып, теориялық сабақтарды тоқсанына бір рет және практикалық сабақтарды жылына бір рет ұйымдастыру қажеттілігі ескертілді.

 Материал ҰҚК Ұлытау облысы бойынша

департаментінің ақпараты негізінде дайындалды

Ақпарат көзі: Қазақстан Республикасының Терроризмге қарсы орталығы