Ауыл шаруашылығы министрі Айдарбек Сапаров China Grain Reserves Group ltd басқарма төрағасы ДЭН Иумен кездесті. ҚХР делегациясы құрамына Қытай мемлекеттік кәсіпорнының China Grain Reserves Group ltd, Company CITIC Construction және Қытайдың ауыл шаруашылығы халықаралық алмасулар қауымдастығы өкілдері Қазақстанға ҚР әлеуетімен танысу мақсатында келді.

«Мемлекеттік қолдау шараларының нәтижесінде, ағымдағы жылы фермерлер барлық агротехнологиялар жағдайларын сақтай алды, ал қолайлы ауа райының арқасында біз дәнді дақылдардан жоғары өнім алдық. 26 миллион тоннаға жуық сапалы астық тартылды. 3 млн тонна майлы дақыл жинауды жоспарлап отырмыз.

Мемлекет басшысының ҚХР-ға астық экспортының көлемін 2 млн тоннаға дейін ұлғайту туралы тапсырмасы аясында нақты шаралар қабылдануда. Сіздің нарығыңыз біз үшін үлкен қызығушылық тудырады және біз жыл сайынғы жеткізілім көлемін 3-4 млн.тоннаға дейін арттыруға дайынбыз», - деп атап өтті министр.

Өз кезегінде Дэн Иу сапар барысында делегация мүшелері қазақстандық нарықты, майлы дақылдардың экспорттық мүмкіндіктерін зерттегенін айтты.

Ол сонымен қатар China Grain Reserves Group Ltd. жыл сайын 100 млн тонна майлы дақылдарды сатып алады, Қазақстаннан майлы дақылдарды жеткізу саласындағы ынтымақтастық мүмкіндігі қарастырылып жатқанын атап өтті.

Естеріңізге сала кетейік, өсімдік шаруашылығы өнімдерінің экспортын ұлғайту мақсатында 2024 жылғы 15 қазанда ҚР Ауыл шаруашылығы министрі Айдарбек Сапаров Министрлер Кабинеті Төрағасының орынбасары - ҚР Су ресурстары, ауыл шаруашылығы және қайта өңдеу өнеркәсібі министрі Бақыт Торобаевпен келіссөздер жүргізген болатын. Қорытындысы бойынша қазақстандық астықты Қырғыз Республикасына жеткізу туралы уағдаластыққа қол жеткізілді.

"Азық-түлік келісім шарт" ҰК" АҚ-ның алғашқы сынақ партиясын жақын арада жөнелтеді.

Ақпарат көзі: Министерство сельского хозяйства Республики Казахстан