Құрметті қазақстандықтар!

Баршаңызды Жаңа жыл мерекесімен құттықтаймын!

Қай-қайсымыз үшін де бұл мейрам жай ғана күнтізбенің ауысуы емес, бұл – өткенімізді түгендейтін, қол жеткізгенімізді ой елегінен өткізетін және алдымызға жаңа да биік мақсаттар қоятын уақыт.

Бәріміз куә болғандай, өткен жыл маңызды оқиғаларға толы болды, оң өзгерістер мен адам құқықтарын қорғау жүйесін жетілдіру бағытында маңызды істер жүзеге асырылды.

Дегенмен, алдымызда одан үлкен маңызды міндеттер тұр, біз көздеген белесімізден көріну үшін аянбай еңбек етіп, жаңа мұраттарға ұмтылуымыз керек.

2025 – батыл идеялар мен жобаларды жүзеге асыратын жыл болсын. Бұл жыл баршаңызға қызықты да сындарлы идеялар, жарқын жеңістер әкелсін, жақындарыңыз жандарыңыздан табылып, әріптестеріңіздің қолдауын сезіне беріңіздер.

Сізге шын жүректен зор денсаулық, отбасыларыңызға амандық және барлық мақсаттарыңызға жете берулеріңізді тілеймін!

Құрметпен,

Адам құқықтары жөніндегі уәкіл

Артур Ластаев

Ақпарат көзі: Қазақстан Республикасындағы Адам құқықтары жөніндегі уәкіл