Жетісулық тұрғын жылыжай ашты

29 Мамыр 2024 жылдың 5 Жетісу облысы Жетісу облысының әкімдігі

Жетісу облысы Алакөл ауданының тұрғыны өңірдегі ауа райының ерекшелігіне қарай жеркепе жылыжайын салып, биыл оның жұмысын жүргізе бастады. Жылыжайда тамшылатып суару әдісі мен биогумус қолданылады, - деп хабарлайды Жетісу облысы әкімінің баспасөз қызметі.

Жермен жұмыс істеуге, бақша салып, көкөніс өсіруге бұрыннан бейім жанамалық Ернар Құттыбек биыл ауылдың ішінен 2 сотық жерге жылыжай салып, қияр өсіріп бастады. Алакөл аймағында үнемі соғып тұратын Ебі желінен ық болсын деп жылыжайды жепкепе түрінде салған.

- Жылыжайдың құрылысына жеке қаражатым мен несие қаражатынан 5 млн. теңге жұмсадық. Нысанның көлемі 20х10 метр, ал биіктігі 4,5 метр, соның 1,5 метрі жер астынан қазылған. Жылыжайдың осы түріне тоқталғаным, жеркепе өнімді желден қорғап тұрады, қыста жылы, жазда салқын. Іші көмірмен жылытылады, - дейді кәсіпкер.

Көкөністің өнімділігін арттыру үшін құрамында өсімдіктің жақсы өсуіне керекті минералдар мен микроэлементтері бар табиғи әрі қауіпсіз органикалық тыңайтқыш – биогумус қолданылып отыр. Өз қолданысы үшін Ернардың биогумус өсірумен айналысып келе жатқанына 3 жыл болған. «Әр түпке 500 грамм биогумус жетеді. Соның арқасында өнімділік еселеп өседі, топырақтың құнарлылығы 7-8 есе жақсарады. Қазір жылыжайда тек биогумусты пайдаланып отырғандықтан, қиярларымның шығымы да жақсы», - дейді Ернар.

Тамшылатып суару ауыл тұрғыны қолданып отырған теххнологияның бірі. Кәсіпкердің айтуынша, ол бұл технологияны алдымен үйінің бақшасында қарбыз өсіруге пайдаланған. Кейін жылыжай салған соң тамшылатып суару лентасын сонда әкеп төсеген.

Сәуір айында сепкен қиярдың өнімін жинап бастағалы он күндей болған. Қазір мұнда 400 түп қияр өсіп тұр. Одан күніне орта есеппен 5 кг өнім жиналуда. Осы маусымда қиярдан екі рет өнім жинау жоспарланып отыр. Бүгінгі күні жаңа піскен өнімдерін жергілікті кафеге өткізіп, ауылдастырына да саудалап отыр. Қиярдың көтерме саудадағы 1 кг бағасы

әзірге 350 теңге.

Фермер алдағы уақытта барқытгүл, шырайгүл сияқты гүлдерді де өсіріп көрсем дейді. Сонымен бірге жылыжайды кеңейту үшін «Ауыл аманаты» бағдарламасына да жүгініп көрмекші.

Жетісу облысы әкімінің баспасөз қызметі.

Фотосуреттерді Алакөл ауданының әкімдігі ұсынды.

Ақпарат көзі: Жетісу облысының әкімдігі

Біздің Telegram арнамызға жазылыңыз және барлық маңызды оқиғалардан хабардар болыңыз, мына сілтеме - https://t.me/gurkkz

Жетісу облысы Алакөл ауданының тұрғыны өңірдегі ауа райының ерекшелігіне қарай жеркепе жылыжайын салып, биыл оның жұмысын жүргізе бастады. Жылыжайда тамшылатып суару әдісі мен биогумус қолданылады, - деп хабарлайды Жетісу облысы әкімінің баспасөз қызметі. Жермен жұмыс істеуге, бақша салып, көкөніс өсіруге бұрыннан бейім жанамалық Ернар Құттыбек биыл ауылдың ішінен 2 сотық жерге жылыжай салып, қияр өсіріп бастады. Алакөл аймағында үнемі соғып тұратын Ебі желінен ық болсын деп жылыжайды жепкепе түрінде салған. - Жылыжайдың құрылысына жеке қаражатым мен несие қаражатынан 5 млн. теңге жұмсадық. Нысанның көлемі 20х10 метр, ал биіктігі 4,5 метр, соның 1,5 метрі жер астынан қазылған. Жылыжайдың осы түріне тоқталғаным, жеркепе өнімді желден қорғап тұрады, қыста жылы, жазда салқын. Іші көмірмен жылытылады, - дейді кәсіпкер. Көкөністің өнімділігін арттыру үшін құрамында өсімдіктің жақсы өсуіне керекті минералдар мен микроэлементтері бар табиғи әрі қауіпсіз органикалық тыңайтқыш – биогумус қолданылып отыр. Өз қолданысы үшін Ернардың биогумус өсірумен айналысып келе жатқанына 3 жыл болған. «Әр түпке 500 грамм биогумус жетеді. Соның арқасында өнімділік еселеп өседі, топырақтың құнарлылығы 7-8 есе жақсарады. Қазір жылыжайда тек биогумусты пайдаланып отырғандықтан, қиярларымның шығымы да жақсы», - дейді Ернар. Тамшылатып суару ауыл тұрғыны қолданып отырған теххнологияның бірі. Кәсіпкердің айтуынша, ол бұл технологияны алдымен үйінің бақшасында қарбыз өсіруге пайдаланған. Кейін жылыжай салған соң тамшылатып суару лентасын сонда әкеп төсеген. Сәуір айында сепкен қиярдың өнімін жинап бастағалы он күндей болған. Қазір мұнда 400 түп қияр өсіп тұр. Одан күніне орта есеппен 5 кг өнім жиналуда. Осы маусымда қиярдан екі рет өнім жинау жоспарланып отыр. Бүгінгі күні жаңа піскен өнімдерін жергілікті кафеге өткізіп, ауылдастырына да саудалап отыр. Қиярдың көтерме саудадағы 1 кг бағасы әзірге 350 теңге. Фермер алдағы уақытта барқытгүл, шырайгүл сияқты гүлдерді де өсіріп көрсем дейді. Сонымен бірге жылыжайды кеңейту үшін «Ауыл аманаты» бағдарламасына да жүгініп көрмекші. Жетісу облысы әкімінің баспасөз қызметі. Фотосуреттерді Алакөл ауданының әкімдігі ұсынды.