Жоғары Сот Кеңесі республиканың адвокаттық қоғамдастығының өкілдерімен онлайн-форматта бірқатар кездесулер ұйымдастырды.

Іс-шараларға кеңес мүшелері: С.Әміртаев, Г. Нұрлықұлов, О. Цай, А. Жакулин, А. Айтуарова, сондай-ақ Кеңес жанындағы Сот төрелігі академиясының, Республикалық адвокаттар алқасының және жалпы 4500-ден астам маман қамтылған аумақтық алқалардың өкілдері қатысты.

Кеңес ұйымдастырған іс-шаралардың негізгі мақсаты-судьялық мамандыққа қызығушылықты арттыру және оның қатарына адвокаттар арасынан білікті және тәжірибелі заңгерлерді тарту. Адвокаттар қауымдастығының судьялық мансапқа деген қызығушылығының артуы құқықтық салада кәсіби өсу мен мансапты жалғастыру мүмкіндігімен байланысты.

Кездесу барысында Кеңес мүшелері Жоғары Сот Кеңесінің қызметі туралы егжей-тегжейлі айтып, судьялық лауазымдарға түсу кезінде кәсібиліктің маңыздылығын түсіндірді. Іріктеу процесі мен судьялыққа үміткерлерге қойылатын талаптарға ерекше назар аударылды.

Жоғары Сот Кеңесінің Төрағасы Д. Малахов тәжірибе алмасу және судья саласына білікті мамандарды тарту үшін түрлі заң мамандықтарының өкілдерін біріктіре отырып, осындай іс-шараларды өткізуге белсенді бастамашылық етуді жалғастыруда.

Ақпарат көзі: Қазақстан Республикасы Жоғары Сот Кеңесі