Сағадат Нұрмағамбетов атындағы «Қарулы Күштер Бас штабы академиясы» факультетінің бірінші курс магистранттары және әскери қызметшілердің отбасы мүшелері Халық қаһарманының туған жеріндегі ескерткішіне гүл шоқтарын қойды.

Қазақстан Республикасы Ұлттық қорғаныс университеті басшылығының шешімімен Ақмола облысының Ақкөл қаласында жыл сайын қыркүйектің бірінші сенбісінде осы рәсім дәстүрлі түрде өткізілетін болады.  

Салтанатты жиынға әскери жоғары оқу орнының бастығы PhD философия докторы, генерал-майор Асқар Мұстабеков батырдың жүз жылдық мерейтойында мұндай іс-шараны өткізудің маңыздылығын атап өтті. 

– Кеңес Одағының Батыры, Халық қаҺарманы Тәуелсіз Қазақстанның тұңғыш қорғаныс министрі, армия генералы Сағадат Нұрмағамбетовтың тұлғасы жастарды әскери-патриоттық тәрбиелеу ісінде ерекше маңызды. Оның Қазақстан армиясының қалыптасуы мен дамуына қосқан үлесін есте сақтауымыз керек, – деді «Қарулы Күштер Бас штабы академиясы» факультетінің бастығы генерал-майор Нұрлан Алдияров. 

Іс-шара жас ұрпақтың бойында патриотизмді, азаматтықты қалыптастыруға, тарихта аты алтын әріппен жазылатын атақты жауынгерлердің баға жетпес мұрасын құрметтеуге бағытталған.

Ақпарат көзі: Министерство обороны Республики Казахстан