Кеше су тасқынына қарсы жұмыстардың барысын тексеру аясында әуеден барлау жүргізілді.

Ақмола облысы ТЖД бастығының уақытша міндетін атқарушы Бақытжан Алашов Зеренді мен Сандықтау аудандарының су тасқынына дайындық бойынша Кешенді іс-шаралар жоспарының орындалу барысын тексерді. Сондай-ақ, жеке құрамның жауынгерлік дайындығы да тексерілді.

«Қазавиақорғау» АҚ «Еврокоптер» бортында ұшу кезінде Сандықтау ауданында құрғақ шөптің өртенуі анықталды. Өңірдің бас құтқарушысы жедел түрде ТЖД, ерікті өрт сөндіру құралымдарының және «Маралды» КММ күштері мен құралдарын өрт анықталған жерге жіберді. 

Ерте анықтау және жедел әрекет етудің арқасында өрт аз уақыт ішінде тез арада жойылды.

Ақмола облысы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан