Ақтөбе әуежайы барлық жанармай жеткізушілеріне инфрақұрылымға еркін қолжетімділікті ұсына отырып, бәсекеге қабілетті нарық қалыптастыруға мүмкіндік беріп келеді.

2 сәуірде ҚР Парламенті Сенатында Экономикалық саясат, инновациялық даму және кәсіпкерлік комитеті елдегі азаматтық авиацияны дамыту мәселелеріне арналған дөңгелек үстел өткізді.

Оң мысал ретінде Ақтөбедегі Әлия Молдағұлова халықаралық әуежайы аталды. Бұл әуежай — барлық жеткізушілерге елдегі жанармай инфрақұрылымына ашық қолжетімділік ұсынатын жалғыз нысан. Мұндай тәсіл бәсекелестік нарықты қалыптастыруға, әуе отынының бағасын төмендетуге және соның нәтижесінде, рейстер санының артуына ықпал етеді.

Ақтөбе әуежайында авиаотын сату құқығы үшін алым енгізілгенін атап өткен жөн. Алайда бұл алым жолаушылар рейстеріне қызмет көрсететіндерге немесе ұшақтарын өз отынымен жанармай құятын әуе компанияларына қолданылмайды. Осылайша, әуе билеттерінің бағасы қымбаттамайды, ал нарық ашық әрі теңгерімді күйінде қалады.

Өңірде инфрақұрылымды жаңғырту бойынша белсенді жұмыс жүргізіліп жатыр. «ҚазМұнайГаз-Аэро» ЖШС қосымша авиаотын сақтайтын резервуарлар, оның ішінде Jet A-1, АИ және ДТ маркалы отындарға арналған қоймалар мен әуежай перронына отын беруге арналған шығын қоймасын салуды жоспарланып отыр.

Компания ұшақтарды 20 текше метрге дейін жанармаймен толтыруға қауқарлы, жазда көлемі 40 текше метрді құрайтын екінші жанармай құю стансасы қойылады деп күтілуде.

Ақтөбе тәжірибесі - өңірлік мультимодальды хаб стратегиясын жүзеге асыру аясында бәсекелестікті арттыру мен инфрақұрылымды дамытуға бағытталған монополияға қарсы бастамалардың нақты нәтиже беретінінің дәлелі.

Ақпарат көзі: ГУ «Акимат Актюбинской области»