2024 жылдың 11 қазанында Қазақстан Республикасы ТЖМ М.Ғабдуллин атындағы Азаматтық қорғау академиясында «Өрт қауіпсіздігінің, төтенше жағдайлардың алдын алу мен жоюдың өзекті мәселелері» атты XV-ші мерейтойлық Халықаралық ғылыми-практикалық конференциясы өтті.

Конференцияның пленарлық отырысына Қазақстан Республикасының жетекші оқу орындарының, Әзербайжан, Ресей Федерациясының бейінді жоғары оқу орындарының ғалымдары мен адъюнкттері, сондай-ақ Академияның профессор-оқытушылар құрамы, магистранттары мен курсанттары қатысты.

Конференцияға қатысушыларға Академия бастығының орынбасары азаматтық қорғау подполковнигі, техника ғылымдарының кандидаты, қауымдастырылған профессор (доцент) Әлменбаев Миржан Маратұлы құттықтау сөз сөйлеп, 15 жыл бойы халықаралық конференция форматындағы жыл сайынғы кездесулер азаматтық қорғау саласындағы проблемалық мәселелер бойынша ғалымдар мен практиктердің дәстүрлі қарым-қатынас алаңына айналғанын атап өтті.

Талқылаудың маңызды орны өрт және өнеркәсіптік қауіпсіздікті қамтамасыз ету, ТЖ алдын алу және жою, Қазақстан Республикасының азаматтық қорғау жүйесі үшін білікті кадрларды даярлау мәселелеріне арналды.

Конференция соңында оның практикалық маңыздылығы атап өтілді, жоғары оқу орындары арасында ғылыми зерттеулерді дамытудың және азаматтық қорғау саласында жоғары білікті мамандарды даярлаудың перспективалық жоспарлары айқындалды.

Конференция жұмысының қорытындысы бойынша Әзербайжан Республикасы, Беларусь Республикасы, Ресей Федерациясы, Өзбекстан Республикасы ТЖМ ведомстволық оқу орындарымен бірлескен конференциялар өткізу, ғылым және білім беру қызметі саласындағы шығармашылық байланыстарды одан әрі кеңейту тәжірибесін жалғастыру туралы шешім қабылданды.

Конференцияда ғалымдар мен мамандар ұсынған идеялар Академияның білім беру үдерісіне енгізілетін болады.

 ҚР ТЖМ АҚА баспасөз қызметі

Ақпарат көзі: Министерство по чрезвычайным ситуациям Республики Казахстан