Alikhan Bokeikhan University - PNT: ғылым қаласын дамытуға бағытталған ынтымақтастық

  Alikhan Bokeikhan University басшылығы, жетекші ғалымдары мен университеттің "Abai IT-Valley" технокластерінің мамандарынан құралған делегация Курчатов қаласындағы Ядролық технологиялар паркіне (Park of Nuclear Technologies) жұмыс сапарымен барды.

  Сапар мақсаты - Курчатов қаласын ғылым мен жоғары технологиялар қаласы ретінде дамыту жобаларына университеттің ат салысу бағыттарын айқындау.

  Курчатовтағы кездесу барысында университет пен Ядролық технологиялар паркінің басшылығы ғылыми жобалар мен инновациялық өндіріс түрлерін дамытуда бірлесіп жұмыс жасау жолдарын талқылады.

  Әсіресе радиациялық технологияларды жаңа материалдар жасау өндірісі мен аддитивті технологияларда қолдану мүмкіндіктері қарастырылды. Бұл өз кезегінде жоғары технологияларды өңір өндірісінде пайдалануға жол ашады.

  Сонымен қатар іс-сапар барысында университет делегациясы Курчатов қаласының әкімі Болат Абдралиевпен кездесу өткізді. Қала әкімі шаһарды дамыту жоспарлары мен ілгері технологияларды тұрғындар тұрмысын жақсарту мен өңірдің экономикалық өсуіне пайдалану мақсаттарын баяндады. Университет өкілдері өз кезегінде оқу орнының академиялық және ғылыми әлеуетін Курчатовты ғылым және жоғары технологиялар орталығы ретінде дамытуға жұмсауға дайын екенін білдірді.

  Akikhan Bokeikhan University делегациясының Курчатов қаласына сапары ұзақ мерзімді ынтымақтастық орнату пен Курчатов қаласын инновациялар мен жоғары технологиялар орталығы ретінде дамытудағы алғашқы қадамдарды айқындап берді. </p

Ақпарат көзі: Қазақстан Республикасы Ғылым және жоғары білім министрлігі