АЛМАТЫДА ҒЫЛЫМДЫ КОММЕРЦИЯЛАНДЫРУДЫҢ І ЕУРАЗИЯЛЫҚ ФОРУМЫ ӨТТІ

  2024 жылдың 10 қазанында ҚР Президентінің жанындағы ҚР Ұлттық ғылым академиясы Тұран университетінде Ғылым қорымен бірлесіп ұйымдастыруымен екі күндік Ғылымды коммерцияландырудың I Еуразиялық форумы (ҒКЕФ) өз жұмысын бастады.

  Форумға ҚР Президентінің жанындағы ҚР Ұлттық ғылым академиясының Президенті А.Күрішбаев, ҚР Ғылым және жоғары білім вице-министрі Д. Ахмед-Заки, «Ғылым қоры» АҚ Басқарма Төрағасы К.Ақатов, «Сколково» қорының бас директоры орынбасары А. Окунев (Ресей), «Gund Investment» Басқарма Төрағасы Д.Жаргалсайхан (Моңғолия), «Qazinnovations» Басқарма Төрағасы С.Жолдыхан, «Тұран» университетінің ректоры Р.Алшанов, ЖОО, ҒЗИ бірінші басшылары мен кәсіпкерлер, халықаралық ұйымдар және БАҚ өкілдері қатысты.

  Халыкаралық форумның ашылуында сөз сөйлеген ҚР Президентінің жанындағы ҚР Ұлттық ғылым академиясының Президенті А.Қ. Күрішбаев ғылымның дамуы мен оның экономикаға ықпалына ерекше назар аудару қажеттілігіне тоқталды: «Бүгінгі таңда ғылымды коммерцияландыру – кез келген елдің тұрақты экономикалық дамуының басты факторы. Қазақстан үшін бұл бағыт ерекше маңызды, себебі біздің ғылыми әлеуетімізді нақты экономикалық жетістіктерге айналдыру – болашағымыздың негізі».

  А. Күрішбаев еліміздегі ғылыми әзірлемелерді экономикаға енгізу механизмдерінің жоқтығы, жобалар ғылым мен бизнес арасындағы байланыстың, сондай-ақ стартаптарды қолдау жүйесінің болмауы салдарынан іске аспай қалады. Ғылыми идеялардың бәсекеге қабілетті нарықтық өнімдерге айналуы үшін стартаптар мен скейлап орталықтарын дамытуға қолайлы жағдай жасау қажет екенін атап өтті.

  «Ғылымды коммерцияландыру – Қазақстан мен тұтас Еуразия аймағының тұрақты экономикалық дамуының маңызды факторы. Қаржыландырудың жеткіліксіздігі, инфрақұрылым мен кадрлардың тапшылығы, сондай-ақ құқықтық базаның жетілмеуі сияқты мәселелерді ғылыми экожүйені дамытуға бағытталған кешенді шаралар арқылы шешу мүмкін. Тек жүйелі тәсілмен ғана Қазақстан ғылыми жетістіктерді тиімді түрде бәсекеге қабілетті өнімдер мен қызметтерге айналдырып, экономиканың тұрақты өсімін қамтамасыз ете отырып Еуразияда көшбасшы орынға шығуға мүмкіндік алады».

  Іс-шарада сөз сөйлеген ҚР Ғылым және жоғары білім вице-министрі Д. Ахмед-Заки ғылым саласы экономика мен қоғамға нақты пайда әкелетін практикалық бағытқа ауысатынын және ол отандық кәсіпорындардың бәсекеге қабілеттілігін арттырып, азаматтарымыздың өмір сүру сапасын жақсарта отырып, өндіріске енгізілуі мүмкін және енгізілуі тиіс жаңа идеялар, технологиялар мен шешімдер әкелетін атап өтті.

  «Бүгін біздің алдымызда үлкен міндеттер тұр. Біз ғылым мен технология кез келген мемлекеттің табысының негізгі факторына айналатын жылдам жаһандық өзгерістер дәуірінде өмір сүріп жатырмыз. Қазақстан ғылыми-инновациялық даму саласында жетекші орынға ие болуға ұмтылады және бұл ғылым, өнеркәсіп және бизнес арасындағы тығыз ынтымақтастықсыз мүмкін емес. Осыған байланысты біз ғылым министрлігі ретінде Ғылым мен бизнес нәтижелі өзара әрекеттесе алатын тиімді экожүйені құруға айтарлықтай күш саламыз».

  Қатысушылар аймақтың инновациялық экожүйесінің негізгі міндеттерін, соның ішінде ғылым мен бизнестің өзара байланысын күшейту, стартаптар үшін жағдайды жақсарту және ғылыми-зерттеу және тәжірибелік-конструкторлық жұмыстарға инвестицияны ұлғайту қажеттілігін талқылады.

  Форумда Ресей, Қырғыстан, Тәжікстан, Әзірбайжан, Монғолия және отандық жоба авторларының 50 аса бизнес жобалары таныстырылып, іске асырылу тетіктері қарастырылды. Сонымен қатар ғылыми жобаларды қаржыландыру, қолайлы нормативтік-құқықтық орта құру және инновациялық экономиканы қолдау үшін кадрлық әлеуетті дамыту мәселелеріне ерекше назар аударылды.

  Форумның жалғасы ҚР Президентінің жанындағы Ұлттық ғылым академиясы мен «Сколково» Ресей Қорының арасындағы ғылымды коммерцияландыру бойынша екі жақты келісімге қол қоюмен жалғасты. Бұл келісім негізінде отандық ғалымдар өз ғылыми жаңалығын халықаралық деңгейде дамытуға мүмкіндік алады.

  Екі күнге жоспарланған Форум аясында өтетін сессиялық талқылаулар ғылыми зерттеулерді коммерцияландыру, инновациялық экожүйелерді дамыту және халықаралық ынтымақтастық тақырыптарын қамтиды. Халықаралық форум жұмысының нәтижесінде резолюция қабылданып, жұмыс тобы құрылып, отандық ғылымды коммерцияландыру бойынша нақты жұмыстар жасалатын болады.

Ақпарат көзі: Қазақстан Республикасы Ғылым және жоғары білім министрлігі