Қарағандыда 15–16 мамырда "Қарағанды көктемі" республикалық поэзия фестивалі өтеді. Оған Қазақстан мен таяу шет елдердің белгілі ақындары, жазушылары қатысады.

Екі күн бойы фестиваль қатысушылары кеншілер астанасының мәдени өмірімен танысады, шығармашылық индустриядағы жазушылардың рөлі және зияткерлік еңбекті қалай тиімді сату сияқты маңызды тақырыптарды талқылайды. Іс-шара ашылғаннан кейін дөңгелек үстел барысында талқылау өтеді.

Сондай-ақ, фестиваль аясында қатысушылар Қарағанды тау-кен индустриалды колледжінің мұражай-шахтасына түседі.

"Қарағанды көктемі" поэзия кеші 15 мамыр сағат 18:00-де С. Сейфуллин атындағы облыстық академиялық қазақ драма театрының сахнасында басталады.

– Фестиваль алғаш рет былтыр ұйымдастырылды. Содан кейін оған Әзірбайжан, Түркиядан танымал ақындар қатысты. Биылғы жылы фестиваль ауқымды өтеді, – дейді Қазақстан Жазушылар одағы облыстық филиалының төрағасы Жанат Жанқашұлы. – Бұл ақындар мен жазушылар, талантты жастар үшін тамаша алаң, онда біз заманауи поэзия мен әдебиеттің жаңа бағыттарын талқылай аламыз, жас авторлардың әлеуметтік мәселелерін көтере аламыз. Жастар шығармашылығын қолдау және оған жаңа серпін беру деп санаймыз, – дейді ол.

Ақпарат көзі: ГУ «Аппарат акима Карагандинской области»