«Оқу және математикалық сауаттылық: табысты синергия» байқауының республикалық кезеңіне Астанада еліміздің 200 педагогы – 100 қазақ тілі пәнінің мұғалімі және 100 математик қатысты. Қарағандылықтар бірінші орын иеленді.

Барлық оқытушылар оқырмандық сауаттылық пен логикалық ойлауды бағалаудан тұратын алдын ала іріктеуден өтті. Байқауға қатысушылар үш пән бойынша тапсырмалар орындады: қазақ тілі, қазақ әдебиеті және математика.

Бірінші турда педагогтар әр бейін бойынша 50 сұраққа жауап берулері керек, ал екінші турда өңірлердің құрама командалары логикаға 120 тапсырма шеше отырып, бір-бірімен жарысты.

Қарағанды облысы құрамасының құрамына 10 педагог – қазақ тілі пәні мұғалімдері мен математиктер енді.

– Тапсырмалар өте күрделі болды. Бірақ олардың форматы өте қызықты, ерекше. Бұл бір ортақ мәтін болды және ол бойынша қазақ тілі, әдебиет және математика бойынша тапсырмалар жасалды. Жауап беруге аз уақыт берілді – 5–10 минут. Дегенмен, біз жеңдік, – деді Қарағанды облысы құрамасының мүшесі Ербол Нұрғанат, Ермеков атындағы Қарағанды мектеп-лицейінің математика пәнінің мұғалімі.

Байқау қорытындысы бойынша қарағандылықтар бірінші орынды Жамбыл облысының педагогтарымен бөлісті. Гран-приді БҚО құрамасы жеңіп алды. Екінші орынды Абай облысы мен Алматы қаласының командалары иеленді. Үшінші орында – Қызылорда және Ақтөбе облыстарының құрамалары.

Ақпарат көзі: ГУ «Аппарат акима Карагандинской области»