Қарағанды қаласындағы Теміржолшылар мәдениет сарайында әскери оркестрдің орындауында майдандық әндер шырқалып, алғыс пен ізгі тілектер айтылды: бүгін Ұлы Отан соғысына қатысушысы Григорий Степенко ғасырлық мерейтойын атап өтуде.

– Сіз ұлы күн қарсаңында Ұлы Отан соғысындағы Жеңістің 80 жылдығын атап өтесіз. Сізді осы айтулы оқиғамен шын жүректен құттықтаймын және зор денсаулық, бақ-береке және тағы да көптеген бақытты жылдар тілеймін! Сіз соғыс және соғыстан кейінгі кезеңнің қатал сынақтарына абыроймен төтеп берген батыр ұрпақтың өкілісіз. Сіз өмір бойы Отанға деген сүйіспеншілігіңізді, жақсы болашаққа деген сеніміңізді алып келесіз, ізгі ниетті, мейірімді және ашық адам – нағыз патриот және өз еліңіздің азаматы болып қала бересіз. Сіздің өмірлік жолыңыз бәріміз үшін үлгі және адамгершілік бағдар, – деп құттықтады Қарағанды облысының басшысы Ермағанбет Бөлекпаев.

Әлихан Бөкейхан ауданының әкімі Досбол Құлекеев ардагерге алғыс хаттар мен естелік сыйлықтар табыстап, ерлігі үшін алғыс айтты.

Григорий Петрович Степенко 1925 жылы 10 сәуірде Воронеж облысында дүниеге келген. 1943 жылы ол Павлодар облысынан майданға шақырылды. Бірінші жауынгерлік шайқасы 2-ші Украина майданында пулеметші ретінде болған. Курск-Орлов доғасындағы ұрыстарға, Белгород, Орел, Харьков, Курск, Кенигсберг, Варшаваны азат етуге қатысқан. Днепрді кесіп өтуге қатысқан. Забайкалье майданының 39-шы армиясының 56-шы атқыштар полкінің құрамында Қиыр Шығыста шайқасқан.

2-ші дәрежелі Отан соғысы және 3-ші дәрежелі Даңқ ордендерімен, «Ерлігі үшін», «Жауынгерлік еңбегі үшін», «Германияны жеңгені үшін», «Варшаваны азат еткені үшін», «Кенигсбергті алғаны үшін» медальдарымен, мерейтойлық медальдармен марапатталған.

1951 жылдан бастап Қарағандыда тұрады. «Шахтострой» цемент басқару зауытында, теміржол көлігінде жүк тасымалдаудың бас кондукторы болып жұмыс істеген.

Осы уақытқа дейін ардагер оқушылар мен студенттермен кездесіп, тәрбие жұмыстарын жүргізді.

Григорий Степенко жылы сөздер мен оған бөлген көңіл үшін алғысын білдіріп, соғыс жылдары туралы естеліктерімен бөлісті және қарағандылықтардың жас ұрпағына тілегін білдірді.

– Өздеріңізді құрметтеңіздер және туған жерді сақтаңыздар: кіндік қанымыз тамған жеріміз бізді асырап келеді. Бейбітшілік хрусталь шар тәрізді өте нәзік және қазіргі ұрпақтың міндеті – оны сақтау үшін қолдан келгеннің бәрін жасау. Соғыстың зардаптары мен ауыртпалықтарын ешқашан сезінбеулеріңізді тілеймін. Көпұлтты елімізде тату-тәтті өмір сүре берейік! – деді ардагер.

Мерейтой иесіне концерт әзірленді: шығармашылық ұжымдар өнер көрсетті, соғыс жылдарының сүйікті әндері орындалды.

Ал ақсақалдың өзі тағы бір маңызды күнді – Ұлы Жеңістің 80 жылдығын қарсы алуға дайындалуда.

Ақпарат көзі: ГУ «Аппарат акима Карагандинской области»