Қарағанды қаласының № 3 арнайы мектеп-интернатында заманауи аудиосынып жабдықталған. 

Мұнда есту қабілеті нашар балалар тәлім алады.

Аудиосыныпта 1-ден 4-сыныпқа дейінгі балаларға арналған сабақтар өтеді. 

Оқушылар толық есту-сөйлеу ортасында болады және сөйлеу дағдыларын жоғалтпайды. 

Оқушылардың әрқайсысының жұмыс орындары кіріктірілген микрофоны бар қашықтан басқару құралдарымен жабдықталған. Радио микрофонның арқасында мұғалім сыныпта кедергісіз жүре алады.

– Қарағанды облысында бүгінгі таңда ерекше білім беру қажеттілігі бар 14 788 бала, оның ішінде 2475 – мүгедек балалар. Облыста жыл сайын арнайы ұйымдар желісі өсуде, қазір олардың саны 30-ға жетті. Инклюзивті білім беру үшін жағдайлар жасалды – балабақшаларда 50%, колледждерде 71% және жалпы білім беретін мектептерде 81%. Облыста 1511 бала оқитын 10 арнайы мектеп-интернат бар. Өткен жылы күрделі жөндеуге қаражат бөлінді, көптеген оқу-әдістемелік әдебиеттер сатып алынды, – деді Білім басқармасының мектепке дейінгі және жалпы орта білім беру бөлімінің бас маманы Галина Әбішева.

Аудиокласс "CUMMINS Қазақстан" компаниясының қолдауымен AYALA қорымен "Ерекше балаларға-ерекше назар" жобасы шеңберінде жабдықталған. 

Жоба бүкіл Қазақстан бойынша түзету мектеп-интернаттары мен психологиялық-педагогикалық түзету кабинеттерін балалардың есту, көру, зейінін жақсарту, ой-өрісті дамыту үшін арнайы жабдықтармен жабдықтауға көмектеседі.

Ақпарат көзі: ГУ «Аппарат акима Карагандинской области»