Қарағанды және американдық ғалымдар бірлесіп ежелгі адамның тамақтану әдетін зерттейтін болады

23 Мамыр 2024 жылдың 24 Қарағанды облысы ГУ «Аппарат акима Карагандинской области»

Е. А. Бөкетов атындағы Қарағанды зерттеу университеті және Мичиган Университеті (АҚШ) ғалымдары қола дәуіріндегі адамның тамақтану әдеті бойынша бірегей жобаны іске қоспақшы. Ежелгі адамдардың аспаздық құпиялары, олардың диетасы сүйек материалын зерттеу негізінде анықталмақ.

Қарағандыға Мичиган университетінің өкілдері – антропология кафедрасының профессоры, палеозоолог Алисия Вентреска Миллер, студенттер Кара Ларсон және Даниэль Гарнер келді. Оларды Қазақстаннан тыс жерлерде әлемдік археологияда кеңінен танымал Сарыарқа археологиялық институтының остеологиялық коллекциясы қызықтырды.

Сондай-ақ, қонақтар басқарма төрағасы – Бөкетов атындағы ҚарУ ректоры Нұрлан Дулатбековпен кездесті.

Қарағандылық және американдық ғалымдар қола дәуіріндегі адамдардың диетасы мен тамақ сапасына арналған болашақ жобаның егжей-тегжейін талқылады.

– Мичигандағы әріптестер бір ай бұрын байланысқа шықты. Корреспонденцияда бізде қандай база барын және бірлесіп жұмыс істеу мүмкіндігін анықтады. Мамыр айында сүйек материалының коллекциясымен танысу үшін барлауға келді. Кездесу сәтті өтті. Алдағы уақытта университеттер арасында меморандум жасасуды жоспарлап отырмыз. Жоба дайындалуда. Биыл оны іске асыруға кірісе аламыз деп ойлаймын, – деді Сарыарқа археологиялық институтының директоры Алексей Кукушкин.

Қарағандылықтар американдық зертханаларда зерттеу үшін материал ұсынуға дайын.

"Изотоптық талдау, азот, ақуыз және стронций бойынша заманауи технологияларды қолдана отырып, адам мен жануардың сүйек қалдықтарындағы тіс тасын талдау негізінде қола дәуіріндегі адамның тамақтану моделі қайта құрылады. Бұл адамзаттың қазіргі жаһандық тағамдық тәуекелдерінде үлкен маңызға ие", – деп түсіндіреді ғалымдар.

Мұндай жоба Қазақстанда алғаш рет жүзеге асырылмақшы.

"Академик Е. А. Бөкетов атындағы Қарағанды университеті" КЕАҚ жанындағы Сарыарқа археологиялық институты 2003 жылы Орталық Қазақстан археология бөлімінің базасында құрылды. Қазақстанның ежелгі мәдени мұрасын зерттеу және сақтау бойынша ғылыми-зерттеу қызметімен айналысады. Институт құрылымына археология және этнография мұражайы кіреді.

Ақпарат көзі: ГУ «Аппарат акима Карагандинской области»

Біздің Telegram арнамызға жазылыңыз және барлық маңызды оқиғалардан хабардар болыңыз, мына сілтеме - https://t.me/gurkkz

Е. А. Бөкетов атындағы Қарағанды зерттеу университеті және Мичиган Университеті (АҚШ) ғалымдары қола дәуіріндегі адамның тамақтану әдеті бойынша бірегей жобаны іске қоспақшы. Ежелгі адамдардың аспаздық құпиялары, олардың диетасы сүйек материалын зерттеу негізінде анықталмақ. Қарағандыға Мичиган университетінің өкілдері – антропология кафедрасының профессоры, палеозоолог Алисия Вентреска Миллер, студенттер Кара Ларсон және Даниэль Гарнер келді. Оларды Қазақстаннан тыс жерлерде әлемдік археологияда кеңінен танымал Сарыарқа археологиялық институтының остеологиялық коллекциясы қызықтырды. Сондай-ақ, қонақтар басқарма төрағасы – Бөкетов атындағы ҚарУ ректоры Нұрлан Дулатбековпен кездесті. Қарағандылық және американдық ғалымдар қола дәуіріндегі адамдардың диетасы мен тамақ сапасына арналған болашақ жобаның егжей-тегжейін талқылады. – Мичигандағы әріптестер бір ай бұрын байланысқа шықты. Корреспонденцияда бізде қандай база барын және бірлесіп жұмыс істеу мүмкіндігін анықтады. Мамыр айында сүйек материалының коллекциясымен танысу үшін барлауға келді. Кездесу сәтті өтті. Алдағы уақытта университеттер арасында меморандум жасасуды жоспарлап отырмыз. Жоба дайындалуда. Биыл оны іске асыруға кірісе аламыз деп ойлаймын, – деді Сарыарқа археологиялық институтының директоры Алексей Кукушкин. Қарағандылықтар американдық зертханаларда зерттеу үшін материал ұсынуға дайын. "Изотоптық талдау, азот, ақуыз және стронций бойынша заманауи технологияларды қолдана отырып, адам мен жануардың сүйек қалдықтарындағы тіс тасын талдау негізінде қола дәуіріндегі адамның тамақтану моделі қайта құрылады. Бұл адамзаттың қазіргі жаһандық тағамдық тәуекелдерінде үлкен маңызға ие", – деп түсіндіреді ғалымдар. Мұндай жоба Қазақстанда алғаш рет жүзеге асырылмақшы. "Академик Е. А. Бөкетов атындағы Қарағанды университеті" КЕАҚ жанындағы Сарыарқа археологиялық институты 2003 жылы Орталық Қазақстан археология бөлімінің базасында құрылды. Қазақстанның ежелгі мәдени мұрасын зерттеу және сақтау бойынша ғылыми-зерттеу қызметімен айналысады. Институт құрылымына археология және этнография мұражайы кіреді.