Балқашта өте маңызды жоба іске асырылуда – әуежайды қайта құру басталды. Жаңарту қажеттілігі бұрыннан айтылып келеді, әуе айлағы соңғы рет 2007 жылы жөнделген.

Бірінші кезеңде жермен жүру жолдары мен перронды қайта құру қарастырылады. Сонан соң аэровокзалды күрделі жөндеу және арнайы көлік қызметінің ғимаратын салу жоспарланған.

"Бас мердігер "КАЗАХДОРСТРОЙ" ЖШС ресурстарды жұмылдырды, арнайы техниканың, инженерлік-техникалық персоналдың едәуір санын тартып, құрылыс-монтаждау жұмыстарына кірісті. Қазіргі уақытта асфальтбетон жабындарын фрезерлеу аяқталуда (98 %), жермен жүру жолдарының негізін бұзу (40 %) және жер төсемін дайындау жүргізілуде. Жұмыс жүргізу жоспарына сәйкес, бетон жабынын монтаждау ағымдағы жылдың 15 маусымына көзделген", – делінген ҚР Көлік министрлігінің сайтында. 

Әуежай инфрақұрылымын жаңғырту қала мен туристік аймақты дамыту үшін жаңа қадам жасауға мүмкіндік беретіні атап өтілді. Жолаушылар ағыны үш есеге – жылына 13 мыңнан 40 мың адамға дейін өседі деп жоспарлануда.

Балқаш қаласының әуежайы 1967 жылы салынған.

Ақпарат көзі: ГУ «Аппарат акима Карагандинской области»