Балқашта заңсыз қоқыстарды жою жалғасуда. 23 сәуірден бастап 7 мың тоннадан астам қоқыс шығарылды.

Қала аумағында – Жұмысшы кентінде және Ақшағыл кварталында ең көп рұқсат етілмеген қоқыс орындары анықталды.

– Бүгінгі таңда Алматы – Екатеринбург Республикалық маңызы бар автожолының бойындағы аумақтар (ГАИ бекетінен ҚТҚ полигонына дейін), сондай-ақ ВЛКСМ-нің 30 жылдық мерейтойлық қалалық саябағы, жағалау аймағы (нан зауытынан құтқару станциясына дейінгі учаске) тазартылды. Бертіс шығанағы аймағында, Жұмысшы кентінде және Ақшағыл кварталында жағалауды тазарту жұмыстары жүргізілді. Біз қаланың барлық аумағын қамтуға тырыстық, – дейді Балқаш қаласы әкімінің көмекшісі Жәнібек Сұлтаналиев.

Күн сайын 80-нен 150 тоннаға дейін қоқыс шығарылады. Әр уақытта бұл жұмыстарда 90-нан 350-ге дейін адам жұмылдырылады. 25 бірлікке дейін арнайы техника тартылады.

Балқаш билігі тұрақты негізде рейдтер жүргізеді, тұрғындармен әңгімелеседі, БАҚ пен әлеуметтік желілерде түсіндіру жұмыстарын жүргізеді. Жыл басынан бері 137 ескерту жасалды. 15 адамға әкімшілік айыппұл салынды.

Балқаштағы рұқсат етілмеген қоқыс үйінділерін жинау жұмыстарын екі ай ішінде аяқтау көзделіп отыр.

Ақпарат көзі: ГУ «Аппарат акима Карагандинской области»