2024 жылғы 11 қазанда ҚР ЦДИАӨМ Ақпараттық қауіпсіздік комитеті MSSP Global компаниясымен бірлесіп, Қарағанды облысы әкімдігінде «Кибергигиена – киберқауіпсіздіктің негізі» тақырыбында семинар өткізді.

Киберқауіпсіздік бойынша біліктілікті арттыруға арналған бұл оқыту мемлекеттік органдар қызметкерлері үшін 2023-2029 жылдарға арналған цифрлық трансформация, ақпараттық-коммуникациялық технологиялар саласын дамыту және киберқауіпсіздік тұжырымдамасы аясында өткізіледі.

Іс-шараның мақсаты – мемлекеттік қызметшілердің кибергигиена және киберқауіпсіздік мәселелері бойынша хабардарлығын арттыру.

Семинарда спикер ретінде Киберқауіпсіздікті дамыту басқармасының сарапшысы Керімбаев Сұлтанғазы, MSSP Global компаниясының өкілдері және Қарағанды облысы әкімдігінің барлық құрылымдық және аумақтық бөлімшелерінің өкілдері сөз сөйледі. Оқытуға 100 адам қатысты.

Спикерлер кибергигиенаның негіздері, киберқатерлерден қорғану шаралары туралы білімдерімен бөлісіп, практикалық кейстерді баяндады.

Спикерлер кибергигиена мәселелерінде хабардар болу тек кәсіби қызметте ғана емес, күнделікті өмірде де қауіпсіздіктің кепілі екеніне сенімді.

ҚР ЦДИАӨМ баспасөз қызметі

Ақпарат көзі: Министерство цифрового развития, инноваций и аэрокосмической промышленности Республики Казахстан