Теміртауда орналасқан Қарағанды ГРЭС-1-де жөндеу жұмыстары жүріп жатыр. Жылыту маусымы аяқталғаннан кейін бірден электр станциясы келесі маусымға дайындала бастады.

ҚарГРЭС-1-дегі жөндеу науқанымен осы қалаға жұмыс сапары барысында Қарағанды облысының әкімі Ермағанбет Бөлекпаев танысты.

Ескі қала тұрғындарының үйлері жылы болуы электр станциясының үздіксіз жұмысына байланысты. Бүгінгі таңда КарГРЭС-1 86 үйді жылу энергиясымен қамтамасыз етеді.

Станцияда екі қазандыққа ағымдағы жөндеу жұмыстары жүргізілуде, тағы біреуі күрделі жөндеуден өтіп жатыр. Ауқымды ағымдағы жөндеу екі турбинаға да жүргізілмек. Жөндеуге 75 адам қатысады. Жылыту маусымы басталғанға дейін үш қазандықтағы жөндеу жұмыстарын аяқтау міндеті тұр.

Екі аптадан кейін өңір басшысы КарГРЭС-1-ге қайта келмекші. Ермағанбет Бөлекпаев мердігерлерге нақты жұмыс жоспарын ұсынуды және кестеден ауытқымауды тапсырды. Жаңа жылыту маусымында станция толық жөндеуден өтуі тиіс, деп атап өтті ол.

Сондай-ақ, облыс әкімі Теміртау жоғары политехникалық колледжінде болды.

Оқу орны жылу техниктерін, электромеханиктерді, құрылысшыларды және басқа да өндірісте маңызды мамандарды шығарады.

Колледж "Жас маман" жобасы аясында металлургия және машина жасау бойынша инновациялық жабдықтармен жабдықталған. 

– Біз "қара металдар металлургиясы", "машина жасау", "құрылыс саласы", "IT" және т. б. мамандықтар бойынша кадрлар даярлаймыз, барлығы 16 мамандық, олардың барлығы еңбек нарығында сұранысқа ие. Бізде 30-дан астам әлеуметтік серіктестер бар, олар бізбен тығыз жұмыс істейді, соның ішінде дуальды оқытуда. Ресеймен, Беларуссиямен халықаралық ынтымақтастық орнатылды. Қазір Qarmet зауытында 520 студент тәжірибеден өтуде. Біз нақты дипломдық жобалармен айналысамыз. Мысалы, құрылыс студенттері біздің колледжде нысандарды алады. Сапаны біздің әлеуметтік серіктестеріміз бағалайды, – деді Теміртау жоғары политехникалық колледжінің директоры Салтанат Ақбергенова.

Өңір басшысына колледж түлектерінің болашағы туралы да айтылды. "Оқжетпес" коммуналдық қызметінің жас мамандарына 6% жеңілдікті ипотека рәсімдеуге көмек көрсетілді. 

Биыл жастар бағдарламасы бойынша 15 жұмысшы жеңілдік шарттарымен баспана алады.

Ермағанбет Бөлекпаев колледж студенттерімен және оқытушыларымен әңгімелесіп, оқу үдерісіне қызығушылық танытты. 

Колледждегі жұмыс тәжірибесін аймақтың басқа оқу орындарына таратуды ұсынды.

Ақпарат көзі: ГУ «Аппарат акима Карагандинской области»